[مكي محمد الحسن]

المشاركة الأصلية كتبت بواسطة زاهر الطيب حمد

الليله يا مكي .... ناس المصنفات الفنيه عندنا سمعوا بموضوع الحفله وكونوا لجنه تقصي وقد تصلك قريبا,,, كده كويس ؟ بعد ده خلي عمنا كيشو يخارجك ,,,,, عشان كده ياظريف أحسن تشارك في موضوع صورة ناس زراعه دي وخليك من حركات الفنانين والجري ورا العداد وأعرف لينا الزول القاعد في الواطه خلف ود البك ده منو ؟.

السلام عليكم يا صعايده
نبدأ من حيث المداخلات التي تخصنا

الاخ الأفكاتو زاهر الطيب ..بعد التحية لك وللصعايده المعاك ..
ناس المصنفات الفنية ديل مقدور عليهم ...المشكلة في الناس البتغبوا فيك العرفه ديل ..
أما ناس زراعة ( حبايبنا ) لكن ده حملاً تقيل ما بنقدر عليهو انت ما شايف الجماعة هنا مدورين غلاط كيف ( وودالبيك ) بيضحك في الزهايمر المبكر ده يا أخي شوف لينا ( عمر الجزلي ) عشان يستضيفهم في ( أسماء في حياتنا ) ونخلص ...

الأخ أسامة أبوشيبة

بمناسبة الواعد والقنبلة الاسيوطية مكي .. أصر والح علي أني أسافر الخليج عشان أشوف تسويق لالبومه الاول ..

نتمني لك سفراً محموداً ( وتمشي وتجي بالسلامة.. أسامة مع السلامه )..
ولكن رجاء خاص عدم تزويد أي من الاخوة والأخوات ( الصعايده ) من غير ( المشجعين ) للمواهب ..بأي نسخة من ما حملناك من ( البوم أغاني أو معلومات ) ..
أما عن طلبك

يلا جهزوا لينا لمة من لماتكم الاسيوطية الجميلة ديك

فأرجو أن يكون الاخ عازف الاورج والاخ فايز ( بيز ) حضوراً وشخصياً متبرع ليكم بي فاصل غنائي عبر ( التلفون ) علي وزن ..عبر الأثير ..

الأخ د. الجيلي الريح

بالمناسبة ياعازف الاورج عمرك سمعت بي فنان اول اسمه مكي ...?انا معاك ممكن يكون مداح لكن فنان. ..?

هنا بتفلق زي ما بيقولوا

ماتخاف يا ميكي بس انت ابقى قوي ....ودافر مع الجماعة ديل ...خليك قريب من المايك وفي الصف الامامي...خلي في جيبك شوية ملح ...

وهنا بتداوي ( ماك طبيب ) وكده
لكن هديتك ( الاغنية ) الجماعية مقبولة وعشان كده قررنا انو حفلة رأس السنة القادمة تكون في ( ايرلندا ..ودبل مع الاستقلال في ..دبلن ) بس عليكم حق العازفين ...