المشاركة الأصلية كتبت بواسطة زاهر الطيب حمد
يا اسايطه يا عسل .. سلام .. ويا جماعة الغلاط والمديده حرقتني لكم التحايا ,,, الشافع في الصوره دي ماهو مصري ياشبارقه .. هو سوداني ميه الميه وهو ود خالة اخونا بلال عثمان بلال - تجاره( بس عتريس دي حلوه وملعوبه) واسمه سيد وقد توفي غرقاً ... له الرحمة . كنا وقتها برالمه لنج نسكن في دار الرشاد للطلبه السودانيين بالقرب من قسم أول أو ثاني أسيوط ,,, وكان والد المرحوم مثال للسوداني الأصيل وكان منزله بالقرب من السكن ,,, وكان كل يوم جمعه يقدم دعوه للفطورلمجموعه مننا وازكر ان الوجبة كانت وبصوره شبه ثابته بناءاٍ علي طلبنا (قراصه بالتقليه),,, المهم استمرت المسألة ولفترة .. وشويه شويه جابت ليها كوكبه كمان ... يا أبو سيد ما نلقي عندكم حبة ويكه ,,يا ام سيد ما جابو ليكم شرموط من السودان وهكذا الي أن فوجئنا برحيل الرجل الطيب من الحي وفي روايه اخري من أسيوط وما عارف السبب كوكبتنا أم ظروف الرجل ,,,,,,وكان دار الرشاد يضم كوكبه حلوه من الأسايطه من مختلف الكليات أمين فريجون - صيدله - صالح الحلفاوي - زراعه - عبد الخالق - طب -بلال والضامر -والتاج تجاره شله من حقوق وآخرين كلهم في الزاكره ,,,,,,, شكرا شبارقه ,, وكيشو .. عترستكم انعشت الزاكره ورجعت بينا للزمن الجميل في زمن انتشر فيه الزهايمر وتلخبطت الأمور ويكفي أن مكي أصبح مطرب وفنان وقنبلة الموسم ,,, اليس هذا آخر الزمانِ .
|