[مكي محمد الحسن]

المشاركة الأصلية كتبت بواسطة كيشو

ياخي إتا النضال النجحو فيهو اليسوو والما يسوو ما نجحت فيهو جايينا تقول أنا فنان وبغني؟
صوتك ما زال يرن في أذني ويطرد النوم من عيوني
وبرضو تقول لي فنان؟

السلام عليكم يا صعايده
تعرف يا كيشو يا شيخي ...الغناء ده قمة الطرب فيه طرد النوم من العيون وبقاء رنة الصوت علي دغدغة طبلة الأذن ..
يا أخي انت طلعت ( بيش ساكت تراكا ...طق حنك بس وما ليك في الغناء والطرب )
والكلام الفوق ده أصبح واحد من الأدلة الدامغة التي ( تدينك ) بحجة انك تنتقد من باب النقد ( الهدام ) ليس الا ...,اهلنا قالوا في المثل : الما بتلحقوا جدعوا...
انت يا عاصم وين البوست بتاع الامثال السودانية ؟؟؟
الاخ عادل جعفر

مابيمر يوم والا نعرج وندى بيتنا طله... متابعين.. ومنتظرين قرارات محكمة ميكى ال...

أكمل الجملة مع ( تشجيع المواهب ) ولا ( ضد ) عشان نفرز الكيمان خاصة واننا بصدد التنسيق مع الاخ عمر محمد عود لإقامة حفل ساهر للاخوة والأخوات الصعايده في عطلة عيد الفطر المبارك في السودان...وما داير لينا ناس يجوا يفرتقوا الحفلة وكده
الاخ أبوريم يعني ما عرفنا رأيك شنو ؟؟
اها كدي جيب لينا أختنا حليمة وتعال ...( الشوق مطر ..)...