[عادل عسوم]

المشاركة الأصلية كتبت بواسطة somiaadam

الوضئ دوما
كنت قد كتبت لك نحن كسودانيين انتو ما معانافي بوست سابق
هسي أنتو معانا
شفت الانتماء ده كيف
حقيقي لغتك الرصينه الجزله المموسقه بين الاقواس أوصلت لي أسمي معاني الانتماء وجعلتها
تحفر في العميق .
محتاجين لي مترجم ولوز شديده
نميري قال للدناقله انكم تؤنثون المزكر وتزكرون المؤنث قالوا ليهو عاشت نميري
عاشت نميري
للأنتماء لغته الخاصه في بقاعنا فكل ساكن خارج بلدته الاصل يطلق لفظه البلد دون ذكر اسمها
أزكر ذلك عندما كنا نسكن في شرق السودان فكل القادمين من ولايات مختلفه يحكي
عن بلده والكل في الاجازات يقول مسافر البلد .
واصل ....بس براحه علينا

ست الزوق سمية
ذكرتيني قصة حقيقية...
حكي للوالد -بحضوري-الكادر العمالي (موسى متي) -رحمهما الله-ومتي تنطق بكسر الميم والتاء المعجمة (ودي تسالي منها ابو ريم وكدة)
قال كنت آتيا من البلد (مورة) الى عطبرة بالقطار ومعي أختنا الكبرى (عائشة متي)
العمال أستقبلوني في المحطة وبدو يهتفو (عاش متي عاش متي)...
أختي خافت وبقت تنادي من جوة (القمرة) وتفتش فيني
الجماعة بلغوني في مقدمة القطار فجيت جاري وسالتها
قالت لي أنتا الناس ديل يكوركو بي اسمي دة مالن؟

بخصوص الأنتماء أجدك تتفقين معي في مرادي بأن السوداني يتميز كثيرا دون غيره بروح انتماء قد تشربها الناس من خلال حراكهم الحياتي!
اشكرك جزيلا على جميل المرور والاضافة ياغالية
مودتي