الموضوع
:
خضر عطا المنان وعروسته ضيفا شرف فى الامارات
عرض مشاركة واحدة
28-10-2005, 10:50 PM
#[
6
]
asadalla
Guest
حـب فـي المنـفـى
*****************
حبي ليك ما حب خرافي
عايشو في قلب المنافي
رغم بعدك والتجــافي
وبيني بينك من مسـافي
الا انك في شــــغافي
وعمري جواك بحر صافي
يابلد ناسن عزاز
كم تشتتو في المنافي
ولسه حبك في قلوبن
هو....... هو
رغم بعدك والمسافي
*********
يا بلد حبي الخرافي
ليك بسجل اعترافـي
انك انتي
أيوا انتي
أنتي يا نبع التصافي
لو نضمتي
أو سكتي
عني غبتي
او حضرتي
جوا في اعماقي نمتي
حاضنة نيلك والمرافي
*******
حبي ليك ما حب خرافي
عايشو في قلب المنافي
شعرة ما اهـتز مـرة
رغم عيشة الغربة مرة
والدم السال من رعافي
ومهما قهرك اســـتمر
بكرة تنهضي .. تبقي حرة
وليكي احبي أجيكي حافي
وهاكي سجلي اعترافي
أنو زيك اصلو مافي
*********
أنتي زيك اصلو مافي
مافي ضمة
أنتي يابا
وياكي يمة
نور بـيـسطع في الضلمة
وطفلة ترضع في ملمة
وسايقة أمة
ماسكة للمجداف تكاتل
والجسيم هارساه حمى
بى عناد الريح تعاكس
والغبار حوليها غمة
وبرضو ماهماها ضمة
لو عليها الموج دا لما
وسافرت في قاعو ضمة
انتي ياكي الباقية يمة
ضي كفاحي
ونور صلاحي
زاد خريفي .. وصوت هتافي
تقهـري الليل العنـيد
بى ارادتـن من حـديد
لا بتهابي .. ولا بتخافي
رغم جـرحك والصــديد
وليك زمن ما شفـتي عيـد
تصـحي باكر من جـديد
وتبقي عافي وناس عوافي
رمز أمة .. وحب خرافي
في قلوب ناسن تعزك
كم تـشتـتو في المنافي
وكم تـشتـتو في المنافي
*************
خضر عطا المنان
asadalla