[عادل عسوم]

المشاركة الأصلية كتبت بواسطة أبو أماني

ها ها هاي .. تلقيها عند القافل على كرت عدم وجاري على الجوكر .. قالت أفتح الباب .. والله بتلعبيها يا همس .. تموتي تشوفي سماحتي .. مش كده؟ بس كان ليك..دي أم أماني لسه 25 سنة ما ملت عينها في وشي تقولي لي شنو؟ تقولي لي منو؟؟ عليك الله بندقيتك الشايلاها دي أمشي صوتي حلة الويكة الراجياك في المطبخ..بلا لمة حريم..أها شنو ليك ود الزين.. ما جضمتها ليك تمام ؟ .. أنا الكيك .. أنا البهرش الحريم .. ومعتمد على سند أبو ريم .. الديمة كابي الزوغة .. أنا الدود النتر صحى الجعارين خوف ..

قالوا (فتح العليم) لقطو واحد بي عكاز وأداهو الواطة
زولنا انبطح وبقى يعاين لي زولو بي قعر عينو
الجماعة راجنو بالساعات فيشان يقوم يضارب ...أصصصصصصلو مارفع راسو دة
-آزول هة أنت ماتقوم تكاتل زولك دة؟!
-آناس هوووووي ...أنا راقد لي فوق راي!!
المهم الشمس انتكت وأبعكاز قنع من خيرا في الزويل الراقد ...وقام انطلب الله
أها الجماعة بعد أبعكاز مشى قامو سألوا رفيقن:
-ات آزول هة رايك دة شنو الراقد بو؟!
(فتح العليم) قام واتنفّفففففض ومسّسسسسسد فقهتو من ضربة العكاز وطنطن قال:
-آناس ...أتو مطرطشين؟!
هسّع ان كان قمت وقام لقطني تااااااني في مسيمعي دة
باقيلكن ماكان رحت فيها