[عبدالعزيز خطاب]

المشاركة الأصلية كتبت بواسطة معتصم الطاهر

عمو لذيذ سلامات ..
محاولة يشكر عليها

لكن دعنا نبدأ من قوله
يقول طه بأنه يود أن يلفت إنتباه المستمع العربي الى الأغنية السودانية عبر الوسائل المتاحة ..
شنو السودانى فى العمل دا ؟

الكلمات ..!!
قدرت تعرف الزول دا بقول شنو ..

البي الأول أكل نص كلماتو !!

اللحن ؟؟
الصورة ..
حتى صورته هو ليست سودانية ..

ثانيا
خليهو ياخد ليهو دروس فى الرقص ..
الرقص دا علم ..البعمل فيهو دا ما رقص .. دا اسمو ( هجيج) ..


ثالثا :-
القصة الفيديو بايخة و مكررة و ملانة بالصور الغير مترابطة ..

الفيديوكليب قصة صغيرة جدا.. و مترابطة ..

..

الهاش الباش هندسه يا أديب

الطاهر ود الطاهر

الشوق فيضان في الإحساس

أنا لي ملاحظاتي وتحفظاتي علي الكليب.. ولكن!!

أعلم بأن حسك الفني هو دليل تقييمك لأي عمل .. ولأنك ذواقه جعلتني أرجع مرات ومرات لسماع الفيديو كليب ومشاهدته..
تجاذبنا الحديث الخال د وأنا بأننا جيل تربي على أغنيات عثمان حسين وبازرعه وأبو داؤود .. عشقنا الجمال السوداني المبلل بسمرة الأرض لا نبدل الخُمرة بأف سان لوران .. نحن جيل تربي على الطرب الأصيل والكلمة الرصينة .. يهيجنا إيقاع السيرة ويرقصنا التم تم وتجري الحقيبة في دمانا..
أعرف بأنك تتبادل الرأي مع الأميرتين الجميلتين
ما هو رأيهن في الفيديو كليب؟؟ فهن من جيل غير جيلنا وربما الخطاب أكثر فهماً لهن..
سأوصل كل رايك لطه مع تعريف وافي عن شخصك الأديب الفنان وأكيد ستكون ملاحظاتك محل تقدير عنده فهو صاحب فكر ممتاز ..
وللحوار بقية
شوقي ومحبتي خالصه
عزيز خطاب