سودانيات .. تواصل ومحبة - عرض مشاركة واحدة - خضر عطا المنان وعروسته ضيفا شرف فى الامارات

29-10-2005, 07:35 PM

وصلتنى هذة القصيدة وال صورةالمرفقة ادناه وقد طلب منى الاخ خضر ان انشرها اهداء لكل اهل سودانياات

شـــــــــذى الأيام

وحاتك أنتي أمولة

ياشبيه بدر التمام

وكت عاينت في صورتك

لقيت في عيونك ألف كلام

كلام ............ وكلام

عشتا سنين أكوسلو دوام

ربيع العمر ضيعتو

فرح في الدنيا ما شفتو

عمر زولن كمال وتمام

حرام والله أمولة

حرام والله ألف حرام

زمن يجمعنا متأخر

بعد عدت سنين وأيام ..

******************

أمولة ...........أمولة

بسأل يا شذى الأيام

وينك من زمان أنتي

وليه في دربي ما بنتي

أنا العايش نهاري ظلام

وكنت زمن بفتش ليك

وبحلم يوم أشوف عينيك

واحة ريدة واستجمام ..

قولي ليا يا آمال

ياحلمي الشمخ قدام

شعري الوقف مشلول

فيكي الليلة شن بيقول

وين الليلة يلقى كلام

أنا الشاعر الفريد القول

وسيفن بالوجع مسلول

فرحن أصلو لي ما دام

هم الحول يلاقي الحول

وتايهة خطايا في المجهول

دريب الوحدة والأوهام

وجيتي الليلة أمولة

جيتي ظهرتي في دنياي

عصافير شوق وريد وسلام

زغرودة في زمن الحروب

أنشودة الحب والوئام

وبقيتي حقيقة أمولة

زي برقن شلع في ظلام

نور في ربوع بلدي

عيدن جايي خير وسلام

يوزع للصغار حلوى

ويهدي البسمة للايتام

يبقى حديث كبار أهلي

يبقى مودة واسترحام

تفرح بيك قبيلتنا

جميع أخوالي والأعمام

حرام والله أمولة

حرام والله الف حرام

زمن يجمعنا متأخر

بعد عدت سنين وأيام

حرام والله ألف حرام ..

********************

أمولة ...... أمولة

ربيع دنيايا والالهام

ياغيمن هطل فوقي

يافرسي الوقف قدام

خيول الدنيا متحدي

ياسعدي ..... وياوجدي

منايا وأغلى ماعندي

كتير والله فرحان بيك

وأصيح في الغربة أنادي عليك

زمان الوحدة متحدي

شايل شوقي مستنيك

وعايش بى لهف راجيك

راسمك وشمة فوق خدي

حاير في الزمان أمري

أناشد في الزمن يجري

أعد وأحسب أصابع ايدي

صدى صوتك جواب ردي

راجي الدنيا لو تدي

أقول أيام وبتعدي

وأنا وأياكي نتلاقى

مشاعر ريدة دفاقة

وتنوم أيدك على أيدي

وترسى هناك ... مريكبي معاك

وتغرق بيا في دنياك

بعيد أرميهو مقدافي

وأعيش في حضنك الدافي

تبقي معاي طول عمرك

أشيل همك ... أطيع أمرك

وأحقق بيك أهدافي

أختك في سواد عيني

وداخل في الشعور الحي

وأعيش في الدنيا متعافي

وأكتب في شوارع الحي

أنك جد عزيزة علي

وانك درة أسلافي

حروف منقوشة في التاريخ

نجيمة تضوي في المريخ

وشعري القلتو ماكافي

لأنك فوق مصاف حرفي

أمان مزروعة في خوفي

وصادق ريدي ماخافي

حرام والله أمولة

حرام والله ألف حرام

زمن يجمعنا متأخر

بعد عدت سنين وأيام

حرام والله الف حرام ..

خضرعطاالمنان

...

29-10-2005, 07:35 PM	#[11]
asadalla Guest	وصلتنى هذة القصيدة وال صورةالمرفقة ادناه وقد طلب منى الاخ خضر ان انشرها اهداء لكل اهل سودانياات شـــــــــذى الأيام وحاتك أنتي أمولة ياشبيه بدر التمام وكت عاينت في صورتك لقيت في عيونك ألف كلام كلام ............ وكلام عشتا سنين أكوسلو دوام ربيع العمر ضيعتو فرح في الدنيا ما شفتو عمر زولن كمال وتمام حرام والله أمولة حرام والله ألف حرام زمن يجمعنا متأخر بعد عدت سنين وأيام .. **************** أمولة ...........أمولة بسأل يا شذى الأيام وينك من زمان أنتي وليه في دربي ما بنتي أنا العايش نهاري ظلام وكنت زمن بفتش ليك وبحلم يوم أشوف عينيك واحة ريدة واستجمام .. قولي ليا يا آمال ياحلمي الشمخ قدام شعري الوقف مشلول فيكي الليلة شن بيقول وين الليلة يلقى كلام أنا الشاعر الفريد القول وسيفن بالوجع مسلول فرحن أصلو لي ما دام هم الحول يلاقي الحول وتايهة خطايا في المجهول دريب الوحدة والأوهام وجيتي الليلة أمولة جيتي ظهرتي في دنياي عصافير شوق وريد وسلام زغرودة في زمن الحروب أنشودة الحب والوئام وبقيتي حقيقة أمولة زي برقن شلع في ظلام نور في ربوع بلدي عيدن جايي خير وسلام يوزع للصغار حلوى ويهدي البسمة للايتام يبقى حديث كبار أهلي يبقى مودة واسترحام تفرح بيك قبيلتنا جميع أخوالي والأعمام حرام والله أمولة حرام والله الف حرام زمن يجمعنا متأخر بعد عدت سنين وأيام حرام والله ألف حرام .. ****************** أمولة ...... أمولة ربيع دنيايا والالهام ياغيمن هطل فوقي يافرسي الوقف قدام خيول الدنيا متحدي ياسعدي ..... وياوجدي منايا وأغلى ماعندي كتير والله فرحان بيك وأصيح في الغربة أنادي عليك زمان الوحدة متحدي شايل شوقي مستنيك وعايش بى لهف راجيك راسمك وشمة فوق خدي حاير في الزمان أمري أناشد في الزمن يجري أعد وأحسب أصابع ايدي صدى صوتك جواب ردي راجي الدنيا لو تدي أقول أيام وبتعدي وأنا وأياكي نتلاقى مشاعر ريدة دفاقة وتنوم أيدك على أيدي وترسى هناك ... مريكبي معاك وتغرق بيا في دنياك بعيد أرميهو مقدافي وأعيش في حضنك الدافي تبقي معاي طول عمرك أشيل همك ... أطيع أمرك وأحقق بيك أهدافي أختك في سواد عيني وداخل في الشعور الحي وأعيش في الدنيا متعافي وأكتب في شوارع الحي أنك جد عزيزة علي وانك درة أسلافي حروف منقوشة في التاريخ نجيمة تضوي في المريخ وشعري القلتو ماكافي لأنك فوق مصاف حرفي أمان مزروعة في خوفي وصادق ريدي ماخافي حرام والله أمولة حرام والله ألف حرام زمن يجمعنا متأخر بعد عدت سنين وأيام حرام والله الف حرام .. خضرعطاالمنان ...
asadalla Guest