[رأفت ميلاد]

المشاركة الأصلية كتبت بواسطة hatim ALi

ه

(مونيكا ويليم) ظهرت متين ؟
اول مغنية (قبطية) تغني (اغاني البنات) السودانية - حسب معلوماتي البسيطة - و ارجو تصحيحي

يطرشنى لا سمعت بيها لا شفتها .. هى قبطية ؟؟ كان عندك منها حاجة ورونا ليها للزمن .. فى البوست التانى قال حميده أبوها إيطالى وأمها مصرية .. وسؤاله كان مشروع اللماها شنو فى الدلوكة .. لكن كان قبطية سودانية فى مليون سبب ..

المشاركة الأصلية كتبت بواسطة hatim ALi

ه

اصحابنا الاقباط في المدارس و الجامعات زمان بتذكر انو ثقافتهم (الغنائية) كانت - مصرية - بامتياز ، و حتى الان لم اسمع بمغني (بالسوداني) قبطي ، الاستثناء الوحيد هو شاعر (الحقيبة) مصطفى بطران مؤلف (دمعة الشوق)

هو مصطفى بطران قبطى؟؟
شوف زمان ما كان فى تصنيفات .. عشان كده ما بتعرف .. كان رجعت لى تاريخ الأقباط العرضته بسرعة فى البوست (ده) بتلقى ناسنا صبغتم سودانية بحته ..
عموماً ثلاثة أرباع النسوان الغنوا ليهم فى الحقيبة نسوانا .. ظبية المسالمة شفتها فى آخر أياما .. مسكينة كان تايهة فى كبرتا .. إنسانة نحيفة لافة توب زراق ولافة فى الشوارع .. خالتك بت ملوك النيل الله يرحمها كانت إمرأة لطيفة ولونا أسمر وأولادها أصدقاء ..
بالمناسبة حوش جدى كان صالون شعراء .. وبدد ثروة أبوه على الشعر والغناء .. من أملاكه الأرض القام عليها فندق السودان .. باعها لمولانا على المرغنى ..
كان هناك صراع شديد فى الجرايد فى الستينات حول ملكية بعض القصائد لجدى منها بت ملوك النيل .. يقال كان يكتب بإسم شعراء آخرين .. لأنه فى ذلك الزمان الشعر والغناء كان "صياعة" .. وهو كان من الأعيان وجده قسيس .. الموضوع مات لأن عمى لقى محاربه من جانبيين .. من أهل الشعراء الذين إدعى ملكية أشعارهم لجده .. ومن أهله لأنهم كانوا بعتبرونها فضيحة ..