[مرافي]

المشاركة الأصلية كتبت بواسطة أبو أماني

أهلا بأمال .. الشخصية النادرة المثال .. والتي يعجز في حضرتها المقال .. كل عام وإنتي بألف خير وعافية أنتي وأسرتك الكريمة.. ورد الله غربتكم جميعا .. والله يا أمال .. ما تعرفي مكانتك في خاطري .. ولو عرفتيها .. أكيد كنتي حتعملي لي تمثال يضج بالجمال .. طبعا جمال داخلي .. عارفك يا بت حشاي .. جمالي الخارجي ده ما معترفه بيو .. لكين معليش باكر بدخل الساونا .. وأعمل الشد .. والأصباغ وأستخدم كل الديكورات بما فيها طقم الأسنان وأكيد ساعتها سوف تقتنعين .. يا بت ملوك النيل .. طبعا كسير التلج ده ليك .. ما بلاش .. قاصدك في خدمة صغيرونة كدي .. وهي أن تستخدمي نفوذك الميداني .. وسحرك البياني في تلافي ضياع قهوة النشاط .. الشايف الناس هجروها .. وبقت كل يوم والتاني في الصفحات الخلفية الحكاية مكسدة لدرجة فكرت أبيع القهوة .. لعادل عسوم .. بس المسكين طلع ما معاه كاش .. أصلو البيت أبو تلاتة طوابق .. هد ميزانيته .. وأم العيال اليومين ديل ما بتخلي معاه نثريات المسكين إشتكى لي وما عارف .. العاملاهو أم أماني فوقي .. كمان ما عليك مدسة .. العزيزه مرافي فكرت تشتريها مني .. وهمس الشوق قالت بتديني خلو رجل .. مليار ونص دولار .. لكين أنا رفضت .. أصلي مليار ده بيعادل كم لي هسع ما عارف .. وقلت يمكن تكون لاعبة على لعبة .. إتي يا أمال المليار ده فوقو كم جنيه .. سرورة قات لي بيعمل مية الف جنيه .. حولااااااا .. لكي خالص مودتي ولكل آل سودانيات كل عام وجميعكم بخير .. وبالله عليكم أنعشوا لينا قهوتنا دي بمداخلاتكم الرشيقة .. ما تخلوني أفكها عكس الهواء .. تشاووووو

الغالي ابواماني
عيدك مبارك انت وكل ناس سودانيات
والله ننباع انحنا والقهوة ما تنباع
دي ملاذنا الوحيد ياخوي
جاينها جاينها بس اديها صنه
دمت بالف عافية