[أبو أماني]

المشاركة الأصلية كتبت بواسطة rubs

ناس القهوة .... كل عام وانتم بألف خير وربنا إجعل أيامكم كلها أعياد يا أطيب شعب وأحلا ناس ... إفتقدتكم واحد واحد ودون فرز سودانيات وسودانيين .. يااااااااااااااااااااحليلك يا ابو امانى يا سيد الناس يا كلك ذوق وجمال (داخلى بس طبعا) والله كنت بشوفك اكتر من ام امانى (مشيت السودان وجيت بعقد جديد ) كنت كل ما اقابل ولاالاقى لى كوم شنه اقول ياااا ربى دا ابو امانى لكن ارجع واقول لالاا ابو امانى اكان بقه ذى الشنه دى كان عرس 4 نسوان ... دى والله مزحه الحقيقه انى شفتك فى كل سودانى مريت جنبو ولا عاملنى بى كرم ولا شهامه ولا اخلاق عاليه لانك انت دايما مكانتك عاليه بالنسبه لينا كلنا ربنا إوفقك واديك طولت العمر واجبر بى خاطرك فى شناتك ( طبعا يا ابو امانى عارفنى ما بقدر اصالحك فتره طويله مبداء القهوه ما بقبل الصلح دا )..
كل البنات الحلوات .. سرووره العسل .. وستنا وست الكل امال ... والحبيبه مرافى وهموسه وتحفه .. والله الشوق ماسوره ما بتتصلح ظاتوووو .. انشالله كل سنه وانتم دايما رائعين وذايدين روعه ..
كل الجكس الصغار والكبار .( وكل واحد اصنف نفسو )..نزار .. فيصل .. ايو ريم ... عادل حبيبنا ..وكل شباب ومسنيين سودانيات بتمنىاكم دايما بخير وصحه وكل شئ جميل ...
ونكته فى السلك كدا يا .... ...

والله يا روبس وماليك على حلفان .. المنتدى من غيرك كان زي صينية تحفل بما لذ وطاب من الأصناف اللي تستاهل فمك .. بس غاب عنها صحن السلطة والملاحة أو الشطة الخدرة وأتوكل على الحي الدائم وأقول ليك (حقيقي مشتاق ليك) وليك وحشة شديدة .. رغم إني متوقع أبو عيالك يطلع من النوع الغيور ويلبد لي في شارع 53 (شفتي الفلاحة كمان بديه العنوان) شائل ليو عكاز مضبب ولا خوسة .. لكين برضو فداك يا بت العم لاني (بحبك) جد حب لا يزيد ولايقل عن حبي لكل فرد (من الجنسين) بسودانيات ولا يزيد قيد أنملة عن حبي (لشقيقتي فرحة محجوب) تسلمي يا بت ياذوق يا سودانية يا أصيلة .. وعليك الله تاني تجديد إقامة ولا غيره ما تكرريها .. أصلو الدقيقة .. زي ما قال أبو اللمين .. وإنت مافي مرة ما بنقدر نطيقها .. ثبت عندك؟؟؟ .. هلال رمضان بتاع مين؟ .. قصدي كلامي ده ! لكي صادق مودتي والقهوة ستعود كما كانت .. تشاوووو ...
(( ))