مرافي القلوب ومرسي السفن التايهات ..!!
أسكتي يا مرافي .. تراكي عارفة البئر وغطاءها .. تصوري أنا أصلو ما بحب نقل الكلامات وقصة قلنا وقالوا لكين لمعزتك عندي .. بقول ليك الشمار ده .. تصوري يا ست الحسان ..إنو الجماعة خلاااااث .. إتفقوا .. حتى شهر العسل قالوا يكون في تورا بورا .. تورا شنو بسم الله قصدي كوالا لامبور .. أصلو قالوا حبوبة هيوفة عمرها يجي 150 سنة قاعدة هناك وقالوا عندهم عادة الحبوبة أكان حية .. لازم تبرك العريس .. والتبريك ده قالوا تلمها الحبوبة في العريس تديهو ليكي قدوم جااااامد.. يستمر لمدة يجي خمسة دقائق كدي.. وبعدها يكون حلال عليهم يسافروا سواء شهر العسل .. شايف الحبيب الباش بعد سمع الكلام ده يتكشم سااااكت .. ليك حق .. مبسوط ما خلاس ضمنت قدوم حبوبة .. مين زييك يا أبوي .. وكمان اليومين ديل من الفرحة.. ما قع يمرق من البيت قالوا من العوضة لباب الشارع ويغني ويدندن ويقول ..
[align=center]حبيبي جننني وغييير حالي ..
ساكن القهوة .. شخصو مثالي..
والله جنني .. [/align]
وكمان أزيدك من الشعر بيت ما لاحظتي الباش اليومين ديل مشاركاتو قليلة قالوا لي معتكف يكتب في قصيدة لهيفاء حيلقيها على الحضور ليلة الزفاف .. وكان لعادل عسوم داك الإجازة طارت ليو في دقنوسو المطفق ده .. بنيان البيت الجاي عشانو خلاهو .. وقال لي أبو مازن كل ما أمشي ليو القاه قاعد تحت الشدرة حقت الحوش ..طابق عوده والدموع تقول جووو ويغني ..
حبيبتي يا هيوفة .. بلاهي متين الشوفة ..
غايتو يا مرافي يا أختي الحب ده بيسوي جنس محن في الناس .. أسعليني أنا .. الماخد لي كمين شاكوش من زي ديل! وكان ما واثقة في كلامي ممكن تسعلى فتحي مسعد قالوا قلبه كان لكوندة شعبية .. أها ودعتك الله شايف أم فادي من المتبخ بتأشر لي ..يا أخوانا المرة دي مالها مزوزية بي.. يعني ذنبي شنو لو طلعت سمح وبقت المرأة تغير على من بنات الكوتشينة؟!.
تشاووووو
التعديل الأخير تم بواسطة أبو أماني ; 28-09-2009 الساعة 05:51 PM.
|