[مكي محمد الحسن]

المشاركة الأصلية كتبت بواسطة بابكر مخير

عصام
سلااااااااام
وكل عام وإتا بالف خير
(متأخرآ، لكن بي سببها!!!)
ما عايز أدخل في موضوع الختمية، فإلمامي ليس بالكم الذي يؤهلني وإن كان إحترامي لهم يسمح لي بأن أدخل وكأنه بيتي حيث ورد ذكرهم...
العايز أقولو؟؟
للحبيب "الشقيق" مكي
تعرف عاصم دآ؟!
زول متنوع معاك وبرضو بي هناك،
يعني أنا حكمي دآ ليهو من صداقتو لي أخواني الصغار والبيني بينهم دنيا بي حالها...
وعلاقتو بيآ...
قدر يوفق بين القطب الشمالي والجنوبي، ما بس لأنه وسطي..
لا، لأنه عالم وباحث في أغوآر البشر..
وزول ذي دآ،، قطع شك ما بيربط نفسو بي إستقا معلومة من مكان واحد...
يبقى هو نقل نص وفي الحقيقة واضح أنها نصوص من أماكن متنوعة...
يبقى هو قدم لينا جرعة مبسطة من مشروع دراسة كاملة،،
يعني باقي ليك لو سرحنا بينا أكتر، ما ببقى دايرلو حول بي حالو عشان يفضي لينا الفي علمهو..
كدي بالله يعني مولانا الشيخ متولي الشعراوي لمن كان كل يوم في التلفزيون ويقول من القول الحلو،، كان قطعهو من رأسو؟؟
ما الياهو الجا في القرآن،،
الحبيب مكي دون تفسير أني بقدح في السلاوي أو أني بضادك في الرآي..
لكن ما الياهو؟!
من هنا حبة وصفقة من الربة..
وتبقى القصة منحبكآ

السلام عليكم ورحمة الله
عيدكم مبارك جميعاً ان شاء الله
الشقيق " الحبيب " د.بابكر مخير
شكراً جزيلاً علي تخصيص تلك المساحة في هذا البوست للرد علي مالم اتداخل به
فقد تسآلات عن المصدر المنقول عنه كل تلك التراكيب من المعلومات التي سميتها انت ب:

جرعة مبسطة من مشروع دراسة كاملة،،

وهي ليست بمشروع دراسة متكاملة علي أية حال والدليل علي ذلك أن رد علينا صاحب النقل بان علي ان ارجع الي مراجع لم يشير اليها ولم يدلني علي وسيلة للحصول أو الطلاع عليها فآثرت الصمت والانسحاب.
ولقد ذكرنا بان الطريقة الختمية طريق صوفية وانا لست من اتباعها أو مريديها وليست لدي
اي انتماءات صوفية هذا لا يمنع من انني أحب الصوفية جمعا وان كنت اتحفظ علي بعض
من طقوسهم وذكرهم ومشايخهم.
والشاهد في الأمر بأن أهل التصوف في سوداننا الحبيب يعتبرون من أهل السنة والاجماع
وفي مقال الاخ عصام اليقين ما يشر الي التشابه والاقتباس للصوفية والختمية خاصة من أهل الشيعة وهو لعمري قول خاطئ ونقل غير موفق...فان كان هنالك من تشابه هو انتساب معظم
مشايخ الصوفية في السودان الي بيت النبوة الشريفة عبر ذرية السيدة فاطمة الزهراء والامام علي عليهما رضوان الله وسلامه ..وكلنا نصلي ونسلم علي نبينا المصطفي وال بيته ونختم
صلاتنا بالصلاة عليه وآله في قرأتنا للتشهد.
أرجو ان أكون بردي هذا قد أوضحت اليك مقصدي والله الموفق وهو المستعان