[منال]

المشاركة الأصلية كتبت بواسطة أبو أماني

قلتي نقوم البلد .. نقوم البلد .. والرهيفة التنقد .. مي أم أماني؟؟ بسكتها ليكي ضمة .. أها .. أرح بسراعك .. إتي اتشعبطتي فوق الباص؟.. أها بالشباك إتناولي بقجتي دي .. نمشى دنقلا باللوال ومنها على الشماليي .. قلت لي في دنقلا .. الماذون قريب من بيتكم .. أييي نسيت ما قلت لي اليوم داك .. أها بعد نرجع شايلين شوالات التمر الما خمج .. بعد داك الزارعها الله فوق راس الكدوس بتقوم .. إتي .. يا منال .. دحين الزغاريد ديل فوق شنو؟؟؟؟؟

حجزتا يا ابوى رقم 12 و 13 و الباص افراس - جمال الوالى
اكان الماذون فى دنقلا نمش دربنا عديل ودغروى وتانى نقبل على مروى برضو فى ماذون السرور يابا . و عادل عسوم قال ايام العيد الجو جميل و الفرح متواصل
و نكون حضرنا حش التمر و كمان نشحن مع التجار و نقلب صادين للخرتوم محل الحر و السموم .

عاد الزغاريد فوق عديلنا
و حسيس الطنبور نقرشو الجنيات
و دقة الدليب الماخمج
و ابو امانى يطير لافوق و يطير و يندق
مع الصفقة و ايقاع راقص من الشيالين

و تجى السمحة ام عجن
و ترقص و تدى بى كراعا دقة مع الدليب
و تعوم ... و تقوم ... و تنكع و تدى ابو امانى الشبال
و الدارة قاجة و صفقتن حارة
و العجاج قايم
و الزغاريد تسوى القج

يا ناسى عاد فرحنا كتر
و رقيصنا كتر

و فوق ده كلو العريس ابو امانى
و زينه و عجبانى