[منال]

المشاركة الأصلية كتبت بواسطة مرافي

كدي يا منال اول كبي لينا الجبنة ياست الذوق ومعاها جرم لو سمحتي
يعدييين بعد نتكيف نشوف الخلطة اياها
باقي الخلط والخلطات في السودان بقن خشم بيوت
اريتا يايمة قهوتك قهوة السرور النبي تني لي في فنجاني يا هودا جنبك
التني ده دايراهو بي فشار
ان شاء الله يايمة نشربا في عرسك
آميييييييييييييييييييييييين

يا مرافى يا بت امى
انت ليك البكرى فى الجبنه و البخور عجاجو فايم
و الصينيه ام فنجاين ترقش... و الجبنه مقنقة وسط الفيشار المكوم داك
اتفضلى يا اخيه ... اشربى يالهنا و بعدين التنى بجوك يشربو معاك الناس ديلاك

امين كبيرة و سمينة

غايتو يوم عرسى داك ... البى يضيفوك بالحلو كلو تستاهلى ففى حشاك
و كان شرفتينا فى حنة العروس اجش عاد ... اللقيمات و الشربوت ... و الشية و المرارة و الشطة ... و بخصمهم من هسه بالنبى كدى يسواليك القهوة باقى ما بكون فاضيه العروس محننه