[أبو أماني]

المشاركة الأصلية كتبت بواسطة منال

اووووووووووو ما دام فتحى معانا تانى ما همانا


ابوى التقول مرافى دى اخت العريس تطلب من هسه يضيفوها كيفن

و ان بقت على الجبنه هينه باقى النسابه بقوا يطلبوا يا فتحى فطور العريس بالدفار و الريحة بالجرادل و الخبيز فى الطبق ... تعرف زينة العدة و الكيشاشات ديل تكلف الشى الفلانى ... غايتوعرستو زمن العرس بسيط .

يجازي محنك يا منوية .. والله خليتيني أعيش وهم جميل بلحيل قررربت أصدقه .. وبدون وعي مني بديت أفكر في الصبغة .. والشد حق الوش .. والباروكة الثابتة عشان الما بتغباك ديك نغطيها .. أأي الصلعة وحاتك يا السمحة أكان بالجوكر ظاطو بغطيها.. وحتى بدلة العرس حقت أم أماني (البذار لزومو شنو؟) طلعتها من الدولاب نفضت منها يجي أردب غبار .. وأديتها ولدي فادي قلت ليو ودها محل .. غسيل الأموال .. هي بيس .. قصدي اللوندري .. قال لي داير بيها شنو .. موضتها إنتهت قلت ليو عندي مؤتمر في الشركة .. وأماني قلبها أكلها باقي هي الوحيدة البتكشفني وتحس بي .. قالت لي مالك يا فردة اليومين ديل مش على بعضك .. في شنو كلمني .. مسكت خشمي وما أديت أي منطق .. ما إتي قلتي لي ما تكلم زول اليوم داك لما إتلاقينا في الهيلتون .. وإشترينا الشبكة .. على فكرة ..بمناسبة الشبكة ما أنسى الخاتم الطلع صغيير على أصبعك الراجل وسعه شوية ورجعوا لي أمبارح .. وووووب على سجمي ما نسيتو قبلو .. في جيب البدلة الجوواني ..عاد أكان أم أماني عترت بيو .. تبقي عرسة وطرشقت .. أدعي معاي ربنا يجيب العواقب سليمة .. وانا بقراء ليها .. من خلفهم سدا عشان تعمى من شوفتو .. أأأي يا بت أمي قالوا أقضو حوائجكم بالكتمان .. عشان كده كل زول قع يدخل الحمام عشان ما في زول يشوفه ويقول كاني ماني .. منال .. قلتي لي نكون في المطار الساعة كم؟! باقي اليومين ديل الزهايمر عامل عمائله معاي .. كدي النقوم على الشنطة الصامصونايط .. دي استفها .. أحييييي يا ضهري .. البت دي ختت حبوب الدغت وين .. والله الواحد لو ماحبت الشباب العندو دي ..كان زماااااان راح في شربة موية .. أحححححححمدك يا الله .. تشاووو