[أبو أماني]

المشاركة الأصلية كتبت بواسطة مرافي

الحكاية شنووووو
زهايمر وضغط ووجع ضهر الحكاية
باقي لييي انت داير دكتور ما داير عرس
ولا شنو يامنال كان انتي رضيانة عاااد اها خشم وطمينا

تقومي طوووالي تصدقي كلامي ده؟ .. أنا ومنيوتي متفاهمين .. والوزير بتاعي (أبو المجتبى) صاحب خبرة ضليعة بالمجال وسوابق لا حصر لها .. قال لي أكتب الكلام ده في المنتدى عشان الناس ما يختو عينوم فيك ويغتسوا حجرك ويسحروك .. كمان قال لي أم أماني وعياليها مفتحين وقاعدين يدخلوا النيت .. كان قروا الكلام ده .. بيقولوا كلام منتديات ساكت .. لما القصة تبقي جد .. مرافي كدي دقيقة بللاي .. الموبايل دق خليك معاي .. آلو .. منو ؟؟ أبو ريم .. أهلا الله يبارك فيك ..عقبال عندك .. معاك منو؟ عوض كانديك وهاشم طه ؟.. الله يبارك فيهم إنشاء الله .. وعقبال ليكم يا حلوين .. العروس مالها ؟.. قلت شنو؟؟ .. كبيرة كيف يعني؟ .. لو أنا عمري 53 يعني هي عمرها كم .. منال ظاطها قالت لي عمري 29 إتا 39 دي جبتها من وين ؟؟ .. تقدير عمر بتاع مين يا عم .. ده كلام حسادة منكم أنا عارفكم حاسدني إت وهاشم طه وطارق كانديك .. لاكين ولا يهمني يابت منال ما تسمعي كلام أعمامك المخرفين ديل عايزين يفرقوا بين قلبين ضماهم غرام .. كدي عليك الله ناوليني الطقم ده من التواليت .. سنون في عينك طقم الزراير حقات القميص من أسع قعدتي تبطبطي.. قال سنون قال .. إتي قايلاني فتحي مسعد .. ولا بابكر مخير .. ده أنا أبو أماني على سن ورمح .. زي دعاية الفيمتو .. شباب متجدد .. يلا نلحق الطيارة .. ناس عادل عسوم وأحمد محمد زين .. ينطبق عليهم المثل البقول العروس للعريس والجري للمتاعيس .. عاد كترة متاعيس يا .. منال .. نقول الله يصلح الحال مرافي خلي بالك من (البيلا) المفاتيح مع الولد .. ما تمشي إتي وعيالك تنتهزوا فرصة غيابنا في شهر العسل وتجوا تركلسوا فيها .. تبشتنوها لينا في غيابنا.. منال بعد جزر هاواي والكناري وتاهيتي قلتي آخر إسبوع من العسل يكون وين ؟؟ ما تزعلي مني والله العظيم .. نسيت .. عشان أضرب لنزار يحجز لينا ويرسل الطصاكر .. بالمناسبة الوالي وصلاح إدريس رسلوا ليك إتنين بوكيه ورد واحد أزرق والتاني أحمر وأصفر وبيعتذروا لعدم حضورهم العقد الأرباب قال بطنو مكركبة من آخر يوم في رمضان ولحدي لقاء زيسكو .. والوالي قال مشغول بقصة التلاتات النازلة فوقهم دي .. بالمناسبة يا منال سؤال إحترازي يعني .. إتي سقف الطلقات المسموح بيها لكل زوج كم .. دحين ما هن تلاتة برضو؟؟؟ يعني الواحد لو عاوز يتفك من مرتو يبقى .. مازدا ولا شنو؟ .. يلا ما تشمتي مرافي علينا .. خلينا متفاهمين ..
تشاوووو