[رأفت ميلاد]

المشاركة الأصلية كتبت بواسطة طيبان

سلامــات ياعمدة ..

محاولات الإستمرار هنا ..صعبة كالبدايات وتبدو دائماً كمحاولات إختراق .. تنجح أحياناً .. وتفشل كثيراً .. كثيراً ..
لا ألوم أحداً ..ولكن يبدو أن هناك سرّا يعرفه القدامي وحدهم ..(القدامي والعكليتين والمميّزين) ..
يشبه هذا المكان ميز الأساتذة ..
محاولات (الطلّاب) لدخوله تتطلّب حيلاً مناسبة ..
التوقيع ..
طالب بسودانيّات ...


______

كل سنة وإنت طيّب ..
لا زالت ( البريمي) بعيدة يا صديقي .. قول الله يهوّن ..

طيبان سلامات
كلامك يحير .. أنت بالذات دخلتك قوية وزول مليان من نفسه .. غايتو دخلاتك فى أي مكان بتوزنه وتوزن الراس .. ودى ما فيها أى مجاملة .. لكن أنت متهم بالشح .. يعنى من فئة "من تكاسل"
وبعدين ميز الأساتذة أسهل شئ دخوله قبل الكشات .. طوالى بابه متاكى ونمليته مشروطة .. هنا مافى تميز ولا عكلته .. الحاصل الجلاكين كتار ولاقين فرصتم .. ورفع معنويات شديدة ..
تعرف يا طيبان بدون تحيز كده وكل زول ليه لمسته .. أنت والنور لمستكم سحرية ..

بصراحة أنا متضرر من النغمة الجديدة بتاعة "الشلليات" .. فتحى مسعد ده كان أنا وهو "ون تو" بنجر لينا بوست الى ما شاء الله .. بقى هسة يتزاوغ منى هروباً من التهمه .. لأنه زول بحب الناس وبسيط فى طرحه بأريحية ..
ياخ نحن شلة مفتوحة ومخترقة .. أبقى داخل وتبقى فى البحلك .. بس أحزر الشيوعيين