[عكــود]

[align=justify]الأحباب فتحي / رأفت،
أسمحوا لي التعليق على مداخلاتكم، المليانة خبرة، مع بعض.
[

سلامات يادكتور.كيفك وكيف الأسرة ..انشالله تكونوا زدتو واحد
تعرف أنا ممكن أكون صايم عن الكتابة لفترة بسيطة وبعد كدا ببدا أكتب بطريقة رماي شوقي بدري البصطاد بيهو السمك..الرماي بكون فيهو عدة سنارات في الغالب واحدة فيهم بتقبض وممكن يقبضو كلهم..أهو أنا يشوف لي كم بوست خفيف أنكش فيهو زول وأقوم أستني كم سنارة تقبض رد ولو ما قبضو برجع لحالة سبات تاني.
تعرف أكتر حاجة بتخلي الزول نفسو تطلع من الكتابة انو الناس ما تشتغل بيهو ودي أنا بعالجها بأني أختار لي واحد أعمل معاه مشكلة ودا برضو ما مضمون عشان ممكن يطلع زول بارد ويدير لي خدو التاني وهنا طوالي بقوم أواصل نوم]

شايف يا طيبان بعض الحِيَل؟
ومنهم نستفيد.

طيبان سلامات
كلامك يحير .. أنت بالذات دخلتك قوية وزول مليان من نفسه .. غايتو دخلاتك فى أي مكان بتوزنه وتوزن الراس .. ودى ما فيها أى مجاملة .. لكن أنت متهم بالشح .. يعنى من فئة "من تكاسل"
وبعدين ميز الأساتذة أسهل شئ دخوله قبل الكشات .. طوالى بابه متاكى ونمليته مشروطة .. هنا مافى تميز ولا عكلته .. الحاصل الجلاكين كتار ولاقين فرصتم .. ورفع معنويات شديدة ..
تعرف يا طيبان بدون تحيز كده وكل زول ليه لمسته .. أنت والنور لمستكم سحرية ..

بصراحة أنا متضرر من النغمة الجديدة بتاعة "الشلليات" .. فتحى مسعد ده كان أنا وهو "ون تو" بنجر لينا بوست الى ما شاء الله .. بقى هسة يتزاوغ منى هروباً من التهمه .. لأنه زول بحب الناس وبسيط فى طرحه بأريحية ..
ياخ نحن شلة مفتوحة ومخترقة .. أبقى داخل وتبقى فى البحلك .. بس أحزر الشيوعيين

يا رأفت مااا تجفل من حكاية شلليّة دي،
بارك الله فيمن أهدى إلينا عيوبنا، بدل الجفلة خلّينا نتلمّس نواحي القصور.

أنت بالذات دخلتك قوية وزول مليان من نفسه .. غايتو دخلاتك فى أي مكان بتوزنه وتوزن الراس .. ودى ما فيها أى مجاملة .. لكن أنت متهم بالشح .. يعنى من فئة "من تكاسل"

صح لسانك يا رأفت، زولك صاح من فئة "من تكاسل" ودخلاتو فعلاً بتوزِن الراس.

أنت والنور لمستكم سحرية ..

تتذكّر بشرى وبشارة؟

سلام يا خواجات.[/align]