[فتحي مسعد حنفي]

المشاركة الأصلية كتبت بواسطة Hassan Farah

--------------------------------------------------------------
يا فتحى اخوى يا حلب شندى احبك واقدرك واقدر حرصك على Adnokashnikok شوقى-- والكلمة الروسية دى المكتوبة بالاتينى تعنى انتما الاثنين اكلتوها مع بعض-- حافة-- بى موية وملح--- مرة--- المهم مع بعض-- وانا سعيد بما رواه الاخ شوقى الان ليس لان شوقى قريبى وافتخر بذلك بل لانى لا اشك ابتداء فى مصداقية شوقى-- الذى حدث كشف عن بعض معادن الناس والرجل كما يجب ان يكون له اصدقاء فلا بد ان يكون له اعداء

يا تافاريش انتو مساخة الرباطاب دي ما دايرين تبطلوها..كلامك في الأول خلاني اتكيفت وانشكحت وجيت بعدين طبزتها بي حلب شندي وزي ما قال عبدالله خليل لي أمير ولدو لما جاب ليهو منشور شيوعي منبزينو فيهو..قال ليهو الكلام دا كلو صحيح لكن مافيش لازمة لحكاية الخاين والعميل دي
البيني وبين شوقي أكتر من أربعين سنة وحتي لما كنا متزاعلين كنت بمشي بالليل لما ما يكون عندي مكان للنوم..كنت بمشي وألقاهو نايم أقوم أدفرو ليك وأدبل معاهو والصباح لامن أصحي أديهو كلمتين فارغين وأمرق..تفتكر بعد دا ممكن نزعل من بعض ولا ما نكون فاهمين كل واحد جواهو شنو تسلم يابو علي وتحياتي لأنصاف الخواجات هولك..