عم شوقي متعك الله بالصحة والعافية ، تفتكر يا عم شوقي الجنوب لو إنفصل مشكلة الجنوب تكون اتحلت ؟ أو مشكلة السودان نفسها تكون اتحلت ؟ وإيه المانع الغرب ينفصل والشرق كمان ينادي بالإنفصال ، ويبقى السلام على وطن كان اسمه السودان، عم شوقي انا اتفق معك إنو النظرة الدونية والعنجهية من الشمالي كانت موجودة بصورة واضحة ملموسة مش للجنوبي فقط حتى للغرب والشرق (البجا) لكن حالياً ما عادت موجودة بصورتها الأولى أصبح في وعي وفهم وتقبل الأخر الأختلاف من جيل لأخر في حاجات كتيرة بتتغير مثال "حشود المستقبلين من قبل للدكتور قرنق بعد اتفاقية السلام" وحتى في تعامل الحياة اليومي بين شمالي وغرباوي شرقي جنوبي تحس إنو في أشياء كتيرة اتغيرت وما ممكن تحاكم جيل أو أجيال بغلطات أباءهم وأجدادهم وعلى فكرة في جنوبين ما عاوزين الإنفصال وزي ما في برضو شمالين ما عاوزين الجنوب ينفصل ، والسودان دا ما حق مؤتمر وطني ولا حركة شعبية أو ديمقراطي ولا أمة السودان ده حق الشعب السوداني السمح الإنت بتعرفه.
التحية/ عثمان الطيب
|