[عادل عسوم]

المشاركة الأصلية كتبت بواسطة أبو أماني

يا أخواني أول مرة أشوف لي زول يشكروه .. يقوم يزعل .. ويقعد ينابذ .. دي وقعة شنو ياجماعة؟ أكيد في زول (شلولخ) يكون حرشو ولا يكون خواجة حمريطي .. لكين والله بعد شكرتك شكر قدر ده .. ما بسعلك .. وبقول كان زعلان .. إنشاء الله زعلتك بكرتين ولا كان بحمام دافي ما تفك وإنشاء الله يا با يابا أريتك بزعل اللوبة.. الليخليك تقلب الهوبة في الراكوبة .. وتضري هواك بكل صعوبة .. سمعت مني ؟.. أقعد باري لي ناس هناي وفلتكان ديل .. كان ماجابوا خبرك وودوك التوج .. هسع دي أمانة في ضمتك دي من مافتحت عينيك للنور في زول شكرك ورفع من مقامك قدري؟؟ مش الألف ريال سعودي الأديتني ليهن ديك .. وحاة نظري عيلا أرجع ليك بأقساط .. قال شكروا بألف ريال سعودي وكمان زعلان ... عليكم الله يا ناس سودانيات بطلوا ده وأسمعوا ده ... تشاوووووو

البحرشوا الناس كوتاااار يا(يابا) علاّ أنا مااااابتحرش بي كلام زول
انا زعلتي أصلها رابطة من يوم حفلة أبواللمين ...ولو ما شية (قندهار) كان فاتت زعل (اللوبة) البتقولا دي زاتا
اما الألف ريال وما أدراكا ...في زمتك في (مغترب) بيخلي ليهو ريالات في يدو؟!
ياخي هن كللللهن كمّهن؟!
والاّ عشان قلنا ليك (سلّفنا) كم أرنب كدة عشان نشطب بيهو البُنا تقوم تعمل عمايلك دي
وأنا عشان كدة ياأبوأماني الاّ أشيل حالك وأنقر طارك:
ياجماعة هوووووووووي
أبوأماني دة من أسبوعين بقى المدير بتاع الشركة الشغال فيها
ومكتبو نقلوهو من العمارات الى (المنشية)
والمكتب أسكتو ساكت ...يكفي أقول ليكم أنو(متوافق مع كل الأسبيسيفيكيشن بتاعت الكوالتي أشورنس وكمان متوافق مع الآيزوناين ساوزنت ون وتو وثري ...وعدّوا لغاية ناين كمان)
حتى أسألوا دكتور ودالزين ومنال
...
هذا غيض من فيض...
وان عدتم عدنا