[أبو أماني]

المشاركة الأصلية كتبت بواسطة منال

ابو امانى

بركة الجيت بعد النيولوك
و البوسيزشن الجديد (مبروك )
معذور رافع القزاز وين فى المنشيه حته واحدة تانى ما بنتعرف عليك

قلت لى نسب الشايقيه كيف

حقيقي مشتاق ليك يا منال وإنتي جمبي .. بس إتي فاتحة لي من ما فسخنا الخطوبة بصورة صورية وعادل عسوم ما مديني فرقة وكمان عامل فيها قريبك .. وكان لصاحبي كلبظة داك .. آآآآي شلولخ في غيرو؟ داك بغير عليك عديييل كده واليوم داك كت راكب جمبو في الفارهة حقتو .. ودقست قلت ليو حقو نمشي نزور منال في البيت .. الساعة يا منال الشرط ليك فوقي عين .. أنا قلبي ما قعد يسوي في البت بت بت .. من الخلعة رقعتها وقلت ليو .. ولا أقول ليك ..ياخ منال دي كارثة .. يلاك على عدولة .. حتين شووووية كدي زولي إتراجع .. طلعت لي من جنس خنقة .. بعدين تعالي هيني يا السمحة .. شنو يعني؟ عملتيها فسخ خطوبة جد جد؟ ما قلنا ندقس الجماعة ديل وبالذات همس الشوق .. أسكتي يا منال من ما عملت روحي معجب بيها .. والبت يا إتي بقت جنس كبكبيق في أبو أماني .. الصباح صباح العمياء على العود .. إتي يا همس الشوق تعملي شوقك جهرا التقول صلاة المغرب .. وصباح الخير .. ويسعد صباحك .. وقلت لازم أسمع صوتك أول ما اقوم من النوم .. وبالليل داك عاد خليو .. وأنا يا أبو أماني من ما شفتك في الأسكلا .. لي اسع صورتك ما فارقت خيالي .. وعيييييييك .. والله يا منال أنا ظااااطي محتار في البنات ديل عليك الرسول العاجبن في الجلاكين والجوالين المطفقة شبه ناس بابكر مخير .. وود الطاهر .. والخواجة الربراب داك شنو ؟؟ .. ما عاااااارف .. حكمة الله الواحد فيهم مشغول بالديكور والأصباغ والشد واللت والعجن .. وبرضو ينطبق عليو المثل حق شن الكحل في العين الجحر .. عموما بقول ليك أوعك تنطسي في نافوخك وتجيبي لينا عريس من متحف سودانيات .. هي قصدي متحف التاريخ الطبيعي .. تشااااااااوووو