[الفاتح]

المشاركة الأصلية كتبت بواسطة بابكر عباس

شكرا جيجي و شليل
الاغنية جميلة
و القصيدة مكتوبة بشكل جميل و انيق يا شليل..

يا أخي علقو و عرقو دي رائعة!
يعني لو ادوهم العراقي بتاعو بيكونو ادوهم علقو و عرقو..

نقزقز شوية لحدي ما تجي جيجي
تعرف يا بابكر : نفس مدخل جيجي ده دخلت بيهو لمن كنت برلوم جديد في سودانيات ، لكن ما كان نفس المقطع الإختارتو.. بل كان مقطع تاني
إتخوفت من إنو إتفهم غلط لأنو اليوزر نيم بتاعي " شليل "
والقصيده بتشير لإنو آخر الخيول هو " شليل " في سبيل إنو نورا تنعم ببعض الراحه
لكن الحمد لله ، ولليله الناس طلعوا واعيين وإعتبروني واحد من ال
" ألف شليل يا نورا يفوتو.. "
القصيده جميله كجمال روح كاتبا البيتلمًس مفرده ساهله وقريبه من وجدان المتلقي
وبيناقش قضاياهو اليوميه.
وبيجبرك على إنك تجزم بإنك شفت " شليل " في طي كتابتو بشكل يومي :

آ رطانة الليل ان ليل
ما لاقاكم في ونساتكم
بين الشّادي وبين كاساتكم
في صلواتكم ..
عِنْ دعواتكم
أو دقساتكم
عِزْ خلواتكم
زول زول الله إن ِمحِن آب يسألْ
الهبّاد لي غُلْب اخواتو
الفرّاح عوّان الحلِّي

توظيف ( الإسطوره / الحكايه الشعبية ) في النص ، وتعدد القراءات في هل ده نص : عادي وممكن أمر عليهو مرور الكرام ، وللا ده ما عادي وبيحمل دلالات عميقة ، هي البتخلي العلاقة بين الشاعر وجمهورو علاقة قوية وعميقة .