[فتحي مسعد حنفي]

المشاركة الأصلية كتبت بواسطة kabashi

[align=justify]حبيبي فتحي مسعد
ياخواجة مالكم يتقلبوا في المواجع ؟؟ علي الحلف الشريف زين دا أكثر سوداني بيكره المصريين وأكثر حزب بيكرهوه المصريين هو حزب الأزهري دا القمحهم في السودان كله مش حلايب والأستاذ شوقي بدري قال ناصر في 1958 يهمه استعداد الحزب الوطني الاتحادي للانتخابات ؟ عجباً لبلد يكتب تاريخها كما الونسة !
سألت د. أحمد السيد عليه رحمة الله هل حلايب مصرية أم سودانية
فأجابني بالنص : (عاوز الحقيقة ولا بنت أعمها قلت له عاوز الحقيقة قال حلايب مصرية مية المية فنحن حين أعلنا استقلال السودان قلنا نعلن استقلال جمهورية السودان بحدودها المتعارف عليها في اتفاقية 1899م وهذه الاتفاقية تنص على يحد السودان شمالاً بخط عرض 20ش وهذا خط جغرافي غير متعرج وحلايب تقع شماله لأنك لو طلعت على جبل شلاتين لوجدت مكتوب علي 22ش وحلايب شمال شلاتين وعندما أردنا إجراء الانتخابات الأولى واجهتنا مشكلة التداخل القبلي في المنطقة فعقدنا اتفاقية مع وزير داخلية مصر بأن تكون لنا وحدة إدارية داخل حلايب لتساعد في إدارة شئون السودانيين من هذه القبائل .
فقلت له مادام الأمر بهذا الوضوح لماذا لا تذهب مصر للتحكيم الدولي وتريح وتستريح ؟ رد بان مصر قامت ببسط بسيادتها على أرضها وعلى الطرف المتظلم من ذلك الذهاب للتحكيم الدولي ولن يذهبوا لأنهم يعلمون هذه الحقيقة فحلايب ظلت قضية تثار سياسياً عند كل أزمة بين البلدين أستخدمها من قبل عبد الله خليل إستخدام سياسي وقد كنت وزير في حكومته ويستخدمها الآن هؤلاء استخدام سياسي ليس إلا يجلسوا يدقوا طبول الحرب ولن يذهبوا للاهاي . فلو كانت يأبني حلايب سودانية لكنت أول المقاتلين من أجلها حتى وإن كانت كيلو متر من الصحراء ولكنها مصرية ) انتهاء كلام د. أحمد السيد حمد ... وأرجوا أن لا ينط أحد ليجرح شهادة الرجل باعتباره الاتحادي الأول دون النظر لما أورد من كلام واضح لرجل قانون عاصر الفترة ووطني لا ينقص من وطنيته بل يزيدها إيمانه بوحدة وادي النيل .
وعليه من يقول أن حلايب سودانية فليذهب ويحررها فهي ما زالت خارج الأراضي المستقلة في 1956م وسنشكر صنيعه ونضعه مع رواد الحركة الوطنية .[/align]

الحبيب كباشي ينصر دينك وأصبر هسة الكارهين مصر والمصريين بيجو ناطين ليك وحيحترموك وما حيقولو ليك كضبا كاضب لكن حيطلعو التلاتة القلناهم ديل هم الكضابين أو يقولو قالو الكلام دا لغرض في نفس يعقوب ويعقوب ذاتو متبري منهم..
بعدين تعال هنا الشريف زين العابدين القال ليك منو بيكره المصريينالراجل دا أنا اتعرفت بيهو في القاهرة وقعدت معاهو في الفيللا الأدوها ليهو المصريين في شلرع جسر السويس في ألف مسكن أكتر من مرة وحتي بالأمارة كان أخوهو يادوب جاي من لندن..قبل ما يسافر نهائي الي السودان..عمري ما سمعت بي كراهيتو للمصريين دي الا منك هسة..ويكفي انو شقيق الشهيد الشريف حسين الهندي عشان ما يكون بيكره المصريين
بعدين انت الأسايطة عملو معاك شنو عشان تقول الحقيقة بلا خوف