الموضوع: ياشاعرات وشعراء المنتدى الداير يوثق اعمالو يدخل هنا
عرض مشاركة واحدة
قديم 17-12-2009, 06:22 PM   #[102]
مجدي مسعد حنفي
:: كــاتب نشــط::
الصورة الرمزية مجدي مسعد حنفي
 
افتراضي ياشاعرات وشعراء المنتدى الداير يوثق اعمالو يدخل هنا

جــــــف ريــــدك
0000000000
تاني دايره البينا يرجع
وتاني يرجع ريد زمان
والربيع الفات ديارنا
يعودوا نسماتو الحنان
لا وحاتك مافي عوده
فات لعودتنا الأوان
******
كنتي لي امل وسلوى
وكنتي في ثغري ابتسامه
كنتي احلى حروف محبه
وكنتي لي عمري السلامه
تهتي انتي وسط غرورك
وتاهت افراحنا ومداما
واصبح البيناتنا ذكرى
مابتفيد فيها الندامه
******
جف ريدك من فؤادي
من زمن اصبح بعيد
ومن سواك غذيت حروفي
بي غرام نديان جديد
فيهو حسيت اني عايش
واني اكتر من سعيد
هديتو احساسي وغنايا
ومن شبابي سقيتو ريد

مجدي مسعد حنفي
التوقيع: [frame="9 50"]انا اصلي مامصدق
إنك رحلت بعيــد
دي الدنيا ياخالـــد
بعدك جفاها العيد[/frame]
مجدي مسعد حنفي غير متصل   رد مع اقتباس