[خالد الحاج]

المشاركة الأصلية كتبت بواسطة بابكر مخير

ما أتجنى عليها ساكت،،
لكن مسكتها كدآ للميكرفون، شكل ناس جهجهة الغنا،،
(يعني البجهجهو ويمطوهو ويخنقهو وكدآ، كدآ يا الترلا)
إستايل نانسي عجاج وأسرار بابكر وناس الناس..
سميرة دنيا أم كلتوم الغنا السوداني وندى القلعة حلاة الغنا السوداني وثلاثي برنامج السر قدور "سماحة وقّْد وصوت" الغنا السوداني والبلابل روح الغنا السوداني (طبعن غنا الجنس اللطيف وولطيف وسوداني!! تبقى ما تبقى؛ دي هي الحكمة ظاااااااااااااااااتها)

لوووول يا بابكر
بقيتو تعرفو البنية غناية ولا لا من شكلها وشكل مسكة المايك ؟
والله لكن الخبرة عندكم ...
علق أحدهم يا بابو علي "بنية غناية و ... سمحة" قال سمحة لكن بتخنق الغنا ...
وبين سمحة ... وبتخنق الغنا في مساحة صمت "تقطع نفس خيل القصائد"
زمان الشكل كان ما مهم المهم الصوت ...
ويا ما شفنا فنانات
"الشلاليف في الديم
والجضوم زي الدوم
العيون تطير النوم
والجع ... في الدويم "

عشنا وشفنا تطور مقاييس علم الأصوات وتحوله من الحنجرة إلي أماكن أخري من الجسد
والله يقلع الصينيين ...


شوية جدية :

أنا لم استمع حقيقي للفنانة ياسمين ... لكني أعلم من هو عفيف اسماعيل ... وأثق "جدا" في ذوقه الفني وبلا حدود .