[خالد الحاج]

المشاركة الأصلية كتبت بواسطة بابكر عباس

من تعاطي المكروه عمدا غير شك يتعاطى الحرام

إزيك يا بابكر

أنا سمعت القصة دي لكن بحكيها ليك من باب تمرير الخير وكده

أسه يا بابكر لو أنا دخلت يدي في جيبك وشلت منها كم جنيه .. وأديتك ليهم ..
هل أخذك لها يعتبر حرام ؟؟
يا بابكر يا أخوي إن بقت علي تجديد البطاقة هين ...
المال في النهاية مال محمد أحمد .. وليت كل من "تعاطي المكروه عمدا" استخدم مكروهه للمصلحة العامة ...

إنتو أقعدو فلسفوا فيها كده وهم "يركبوها "
ولو ما فهمت الأخيرة يا بابكر قالو ود الجبل نهر الود البيغسل ليه العربية قائلا :
(يا ود "تمّرت" المارشيدس) ؟
في زول ماري في الشارع رد عليه :
(اسمها مارسيدس يا أخي) !!
قال ليه : إنتوا أنطقوها صاح ونحن "بنركبها"

عرفت ليه الكيزان "راكبننا" يا بابكر يا أخوي
لأننا كايسين ننطقها صاح