إزيك يا حاتم وضيوفك الكرام..
نقد مافيهو كلام.. زول مستنير ومفكر جيد وو
ومن حقو إنو يترشح زيو زي أخوانو..
لكن في عدة أسئلة بتطفح في ذهني:
هل مسألة ترشيحو دي عندها قبول وسط عضوية الحزب الشيوعي ؟ والأصدقاء والديمقراطيين ؟
الشارع بيعرف شنو عن نقد مع الشغل الدعائي إللي نجحوا فيهو الكيزان إنو يوصموهم بالكفار ووو
الشارع بيعرف شنو عن الحزب الشيوعي الغائب عن قضاياهو وبيشارك النظام نفس الكرسي ؟..
وراي عضوية الحزب شنو في الوضعية دي بالرغم من علمهم إنو في ناس فاتو في غياهب سجون النظام ده ؟
الشارع بيعرف شنو عن زول بعيد عنهم وأفنى سنينو تحت الواطه ( مافي زول يقول لي دواعي سرية وتأمين وو : كتار في الحزب ده فاتو.. بقت عليهو.. اليمرق ويواجه واقعو )..
رايك شنو يانقد في قصة التعداد السكاني ؟
رايك شنو يانقد في قضية حلايب ؟
رايك شنو في قضية الفشقه ؟
برنامجك شنو في محاربة الفساد والإصلاح الإقتصادي والإجتماعي..
وين ياعمك مشتاقين .. وينك من كورال البارح : أمموهو بايعوهو وقالوا زولم.. نفخو بالدولار جيوبم..
أصحى يابريش
|