[عكــود]

[align=justify]سلام يا "خلّود "،

أوّلاً وحاة الله نحن ناس بنحب الشمارات،
أبداهم من حاتم مروراً بمخيّر إلى أن تصل القمر الليهو دورين وأختمها بشخصي الضعيف!
هسّع عنوان بوستيك ده البيدخّلنا ليهو شنو كان ما "الكريظة" ساكت
زول عامللو ستّين علامة إستفهام، فهمنا شنو عشان ندخل؟
إن شاء الله يستفهم ده والبيهل!

من جانب آخر . .
يعلم الله ضحكت لامن قرقرت معاهم،
ياخي الضحك ده حالة مريحة جدّاً ومُعدية جدّاً.
لو ملاحظ في بعضهم كان بيضحك بإخلاص عجيب . . والله أعلم بلّلو هدومهم!
خاصة المرة اللابسة بالطو بيج وسِرّنا القاعدة جنب الزول البداها.
بعدين في بعضهم كان عامل فيها مضيّقا جدّاً ومركّب وش زول جادّي خالص، ويمكن فاكّيها في روحو كمان، بس فكّو آخرهم في النهاية وبقوا يضحكوا ويلبّعوا في الجنبهم. مثال المره الكبيرة شويّة في السِن المصمصت شلاليفها ساعة شافت الجكس الفكرلو بابكر مخيّر ، (ود مخيّر ده يحب البلاجات بالحيل).

أضحك الله صباحك وصباحات المتداخلين/ات.
[/align]