[عبدالعزيز عبدالله]

المشاركة الأصلية كتبت بواسطة أسامة معاوية الطيب

عبدالعزيز ازيك
وكل المتداخلين
أنا مبلغ حسرتي لمان الواحد يغلف كلامو بي الوشوش البتضحك دي ... يعني النقاش لما يبقى جادي مفترض انو يمشي بوتيرة جادة ( وكأن بعضنا يخشى الناس على قناعاتو ) الجابرو شنو ؟
طبعا دي ملاحظة على كتير جدا من البوستات مرت من هنا ونحن شهود عليها
الملاحظة التانية انو كتير من الناس بتخش في مواضيع شائكة وبعتقدو انو الطريقة الوحيدة للمخارجة وش وشين ( الضحك شارطن ) على قول الفاتح وانتهينا ... ولكن تعلق الكثير من الحسرة فينا نحن كمتابعين مرة لعدم القدرة على الرد المقنع ... ومرة على طريقة ( عدم الحساب ) لجمهور القراء وكأن على رؤوسنا الطير أو كأننا الطير شخصيا ...
فرجائي من يكتب موقفا فليتحمل نتائج موقفه وما يقلبو لينا نكتة لأنها عادة بتكون سخيفة
وأنا بعتقد انو استسهال الكتابة ( عبر النت ) غالبا بيوجع أكثر ما يوجع جمهور المتابعين خاصة لمان يكون الموضوع المثار كبير ... والمداخلات ( صغيرة ) ما يفتح أبواب للجراح لا يقفلها إلا مزيد من الدم
الشيوعي لما يزهج ببقى شنو ؟ هو أصلا سؤال ساكت ... ما داير اقول لا يستحق الإجابة ( بالمعنى الجاد للرد ) لأنو ببساطة ملغوم وسطحي وكلمة يزهج نفسها لا يمكنها الحديث عن حالة فكرية ... لكنه فتح الباب لغباين لا تشبه أسيادها ( على الأقل ) نظريا
الشيوعي لما يزهج بيطلع كرسيه ويقعد برة ويرد السلام على أمة محمد الحايمة ... وبيدخل بعد شوية شيوعي ما زهجان
عبدالعزيز لمان تصل السودان اكتب لينا تلفونك هنا عشان نقعد معاك نشوف قصتك شنو
التعديل للتنسيق

اها تعرف انت كلامك دا زاتو ما مفهوم ...


هسه افهم من كلامك دا (عبدالعزيز لمان تصل السودان اكتب لينا تلفونك هنا عشان نقعد معاك نشوف قصتك شنو) دا نظام بتهرشني