الموضوع: القائد ياسر عرمان مرشح الحركة الشعبية لرئاسة الجمهورية٠٠٠٠
عرض مشاركة واحدة
قديم 05-02-2010, 03:44 PM   #[92]
فتحي مسعد حنفي
:: كــاتب نشــط::
الصورة الرمزية فتحي مسعد حنفي
 
افتراضي
اقتباس:
المشاركة الأصلية كتبت بواسطة AMAL مشاهدة المشاركة
منظمة يعني شنو

دردقة ما معانا بالله
هو قصدو منظمة الخارجين علي القانون

هاكي الهدية دي يانور سودانيات

البدر المنير
_____
البدر المنير اعياني الهزل
هجرك لم يزل هل جد ام هزل
،،،،،،،،،،،،،،،،،،،،،،،،،

يام ديساً غزير للأرداف نزل
شخصك في الفؤاد مرسوم للأزل
ريدك في القليب موجود لم يزل
اهواك ماعلي في اللام والعزل
،،،،،،،،،،،،،،،،،،،،،،،،،

ياسعده البحوز من قلبك قبل
تتمنى الزهور من خدّك قبل
نديان الجبين والشلاخ نبل
والشاف العيون لا ريب انخبل
،،،،،،،،،،،،،،،،،،،،،،،،

الموت والهلاك في الداعجه النجل
والخد اللطيف الصابغه الخجل
الشافن يجن في الحال بي عجل
مكتوب للعشوق تقصير الأجل
،،،،،،،،،،،،،،،،،،،،،،،،

السيف يام سماح قد سبق العزل
طلقت المنام جافيت الجزل
لا يحلو الغرام إلاّ بالغزل
بس دايماً جفاك يتلف ماإنغزل
،،،،،،،،،،،،،،،،،،،،،،،،

ياست البنات يام شعراً سدل
فقتي الحور جمال لا قول لا جدل
لكن فيك صدود لازال لا انبدل
والحال العلي إزداد ما إنعدل
،،،،،،،،،،،،،،،،،،،،،،،،

شوقك بيّ طال يالظبي الجفل
يام خصراً نحيل من عالي الكفل
غاب النوم شهور عن عيني غفل
وطرفي الباكي حول بالطيف ما إحتفل
،،،،،،،،،،،،،،،،،،،،،،،،

لو يرضيك أذآي يازينة الحفل
أسعد بي نعيم إرضاك يام نفل
البدر اختفى والكوكب أفل
إجلال لي جمالك والكون احتفل

مسعد حنفي



التوقيع: شيخ البلد خلف ولد..
سماهو قال عبد الصمد..
كبر الولد ولامن كبر نهب البلد..
ما خلي زول ما قشطو..
وآخر المطاف بقي شيخ بلد..
عجبي..
فتحي..
فتحي مسعد حنفي غير متصل   رد مع اقتباس