[الزوول]

السلام عليكم
[poet font="Tahoma,5,darkblue,bold,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
يا رحمن ارحم بي جودك... دلي الغيث ينزل في بلودك
سَمْ يا فَمي أذكر معبودك ... قول يا واحد حي في وجودك
يا مسعد اسعد بسعوك ... ونحن نصلي على مريودك
***
يا رحمن ارحم بي برك...يا حافظ في بحرك وبرك
في وليانك اطلق سرك...وخل نيشانهم ها اليتحرك
***
آمين آمين يا كاشف الغٌمة ... جَنَبْ ها الدابي تَصَبِحو رِمّة
تسلّط واحداً ايدو مُدِمة ... تعجِّل قَتلو قبيح القِمة
***
يا الخلفاء الحالكم مرضية... يا اهل البيعة العقدوا النية
التمساح سكن الشايقية ... خلوا يروح نسياً منسيا
***
يا ابن ادريس .عَدِّلْ نيشانك ... فوق الكل عامر ديوانك
هِمْ يا شيخ الناس حيرانك ... في التمساح بيّن برهانك
***
يا أبن ادريس شيخنا النوراني ... يا صاحب الفتح الرباني
يا ابن العركي ويا السماني ... أرموا سهامكم يا فرساني
***
شىء لله يا ذات التّجَلي ... صاحب السر والفتح الكلي
يا الغوث الفي الكون متولي ... التصريف هيلك ..عجّلّي
***
يا عبد الوهاب التازي.ياب درعاً منسوب لى حجازي
التمساح تمساحاً خازي...دُرنا العوم ادونا إجازي
***
يا الداسوقي وشيخو رفاعي ... يا حسن التّواع كون واعي
الشِبْلي وشيبان الراعي ... أرموا سهامكم يا شجاعي
***
شيء لله يا أهل الدايرة ... يا الفي الكون اسراركم سايرة
أرخو الشِرْ في السَحَر الغايرة خَلّو الدار التصَبِح نايرة
***
وينكم لَي وَيَنكم يا قومنا ... سهرانين نَحَسِب قي نجومنا
التمساح حَجّر لَى عومنا ... إن ما جيتونا ..عليكم لومنا
***
وينكم ..وينكم يا دَيلة ... يا أهل الحَضْرة ..الليلة الليلة
إجتمعوا وخَلوا البهديلة ... التمساح أحَموهو الشيلة
***
وينكم لَى وينكم يا كُمّل ... يا لحّاق فيكم بتأمل
يا الغوث الب الكون اتحمل ... عِرض الدار روّح يتهمّل
***
وينكم لَى وينكم يا كُسّر ... يا لُحاق فيكم بدثّر
التمساح بلحَيل إتجسر ... أمرو عَليكم ما بيتعسّر
***
شيْ لله يا حَسن البِصري ... صهيب الروم ذو النون المصري
يا الدباغ أبو سراً يسري ... يا بن محجوب الناس مِتحسري
***
شيْ لله ياب جلابية ... يا عثمان شيخ الختمية
يا الصلاّح جملة الأوليا ... التمساح شوفو لو أذية
***
شيْ لله يا راجل البقعة ... يا أهل الحَضرة البعد الهجعة
يا الفكي شيخ الهام أب لسعة ... شيل الدابي تحِتْكم بِدعة
***
شيْ لله يا عبدالقادر ... محي الدين البحر السادر
يا ود زينب .قوم لَى مبادر ... يا ود حاج قول جيتكم حاضر
***
شيء لله يا راجل البركل ... يا قايم الليل ماب تكسل
يا عايم يالله توكل ... قول للدود من بَلدي إتفضل
***
يا أهل الركب الفات ليلو ... ما فيكم واحداً شاد حيلو
أحمد وأحمد وأحمد شيلو ... ود عدلان فوق راسو اديلو
***
يا ياسين يا ود حميّدة ... يا اهل القبة الباقية فريدة
انتو ما اتباطيتو اكيدة ... ما بتغلبكم هادي الصيدة
***
يا رجّالة نوري اتلموا ... خَلّوا الغفلة جميعكم هِموا
محمد صالح قام بَى عمو ... لطم الدود يالسر فوق فمو
***
يابا حمدتو اب نايباً شوكة ... صاحب سر وايدك مبروكة
ياب نيران ألحقنا بأبوك ... هِمْ يا شيخ الناس ذَموكا
***
يا الفكي شيخ العبد الصالح ... يا لَحّاق في بحر المالح
ود بيلي وعووضة القارح ... وين حاج عيسى القدر الطامح
***
يا أبْ شارب وأولاد السِتة ... أمانه عليكم ليش ها السكتة
أسمع يا شيخ القول ليك انت ... جَرت الحين في بلادكم نُكتة
***
الزُرُق أبوات ود حاج موسى ... ويا الكُمّل ما فيكُن دوسه
البلد الكانت محروسة ... اِتحجر العوم والناس مَحَبوسة
***
يا ود جابر ليك بنادي ... قوم بأخوانك للبولادي
يا العجمي اب زِرقاً صيادي ... أُخدو الشَكَرة العادي العادي
***
يا أولاد جابر بَى عجميكم ... قوموا الخمسة واكربوا سَريكم
نادوا أب رابعة وخَلّو يجيكم ... قتل الدود مو قاسي عليكم
***
يا وراق ..جَن حوباتك ... في التمساح بيّن آياتك
خَلّو يصوب من بِلداتك ... لا يتمسخر في زوراتك
***
شيء لله يا رجالتنا ... شرف الدين فرسان المَتنه
صالح السَلمي أسمعوا كلمتنا ... أحبْسوا الدود لا يطول صفحتنا
***
يا النبي بجاهك ثبتنا ... أحفظنا واستر عُربتنا
أكوي اعدانا وكيد شامتنا ... في الدارين اكتب راحتنا
***
النبيان يا جملة صحابي ... الغوث يا قطب الأقطاب
الشبلي وبدوي النشابي ... أرْخو السر في هذا الدابي
***
على المحبوب صَلْ يوت يا بَرا ... عدد مخلوق جميع للذره
نَظملو الماحي قصيدة وجَرا ... تَنجّي الأمة في يوم الحرا
***
صلاة الله عدد ما لبّا ... وِقاف الحج وطواف الكعبة
سلاماً جابو الماحي معبا ... يعم السيد والآل والصحبا
[/poet]

[media]http://www.nilelove.org/userfiles/Alma7i.wma[/media]

نواصل...