[محمد عكود]

[align=center]انا بكتب ليه ...؟؟؟؟؟

أكتب للتوثيق ...
أكتب لاجيال جاية ....

أكتب للغلابة الباتو الليلة من غير عشا ....
ومن غير فطور بكرة في الغالب ...
للفقدو مصدر دخلهم - قديكون الوحيد - الليلة


اكتب للنايمين تحت الفريون ومتخيلين انو كل هموم الدنيا عليهم ...
الشايفين الدنيا ضيييييييقة ... - عشان الماسنجر مافتح -
او عشان ربتو وهما اصلا بيقرو في جامعة خاصة وبالدولار

أكتب عشان دا حقهم علي اني اكتب ....
أكتب عشان دا من باب دفع المنكر ولو بالكلمة ....

أكتب عشان نظرة الدونية البتواجه كل وحدة فيهم مننا ...

اكتب عشان كل شبعان في البلد دي يحس بالجياع الفيها ...
أكتب لعل وعسي يقرا الكلام انسان في يدو تغير ويغير ....

أكتب عشان بس احس جواي اني في نعمة من ربنا ما بعدها نعمة ...


اكتب عشان بصررررررررررررراحة دي حيلة العاجز ...
القاعد قدام الشاشة وعامل فيها مناضل ثوري ...
وجيفارا ود خالتو لزم ...

لانو عارف لو اتكلم في اللحظة ديك كان ممكن يتفتح ليهو بلاغ معارضة ...
وبلاغ تعدي على موظف اثناء تدية عمله ...
وبلاغ شغب ... وما بعيد بلاغ تسكع وتلكع ....
دا في حالة انو ضابط الحملة كان بتفاهم ...
اما لو لا ....
فحدث ولا حرج ....



ببساطة كدا ...
بكتب عشان ماعندي شي غير اني أكتب ...[/align]