أحباب سودانيات سلام ومحبة
منكم لله ياخ المشى جاب لينا الكيزان ده منو؟؟؟؟
نحن هنا ماقاعدين عشان نحاور نفسنا بس الكيزان اصلا ناس عشان يتحاورو؟؟؟
ماسكين بلد كاملة أيدية وجايين يتكلمو ويستفيدو عن حرية المنابر؟؟؟؟
يمنعنو الحرية في الحياة ويجو يستفيدو منها أسافير؟؟؟؟
بدر الدين وعمر صديق ؟؟؟ وتاني منو؟؟؟؟
وين ود الباوقة وبشير مين كده ماعارف بتاع الشجرة داك...
ده زول جميل بتاع الشدرة ده امس كان السبب في اني انوم واحلم احلام سعيدة
السبب في حلمي ياصحاب انه عمل بوست قال فيهو انه مواطن محتسب
مشى فتح بلاغ حسبة قال انه نقد جاهر بعدم صلاتو
الزول ده قال كلامو بي جاي وانفتحت عليهو ابواب الجحيم بي جاي
البوست فلت منو وغضب الناس طفح وهو شكلو ولى الادبااااار كعادة الكيزان
المهم كلامي ده بمثابة استيضاح للزول الماكسب فينا خير ومشى جاب اولاد الكيزان ديل
واولاد دي قاصداها وعندي فيها يقين وراي ح اقولو في بوستيكم العجيب ده؟؟؟
بوست دعاية انتخابية لي عمر البشير هنا؟؟؟؟؟؟؟؟؟؟؟
محاولة جيدة لكن ح ندفعكم كل الاتمان يااولاد الكيزان
بدر الدين ماتجي تلعب معاي لعبة انت ماقدرها اصلا؟؟؟؟
العب معاي سؤال وجواب ونشوف منو يكسب
هتافات وبيانات وبرامج مامعانا
تشنج بيجيب ليك ذبحة وانت البتحاول تلبس مسوح البارد الاعصاب
العاب نفسية مابتمشي فينا
ولا لفظية
تعال العب معاي سؤال وجواب
راضي؟؟؟؟
لمن ترضى ح نبداء فورا
قانون اللعبة بسيط جدا ومافيهو اي تعقيد لو رضيت
بسألك سؤال تجاوبني عليهو اجابة مباشرة جدا في حدود سطر متوسط
او نلعب سؤال وجواب بنعم ولا
رأيك
-------
ماعافية للجاب لينا الكيزاااااااااااااااااااااااان
امشي يابدر انقذ صاحبك الغرق في بوست نقد وتعال لي انا مغروووووووودة فيك شديد ياخوي
عايزة لي كوز اشبع فيهو لطم
وعاجباني ردودك البتتصنع فيهاالبرود والقوة
لانك لاقوي ولا اعصابك باردة
عارف ليه؟؟؟؟
لانك كوز
كوز دي ماشتيمة طبعا ......كوز دي وصف لحال زول مسكين وكيانو مقلوب
الكلام كتير كده شوف ترحيبي بيك ورد عليهو واقبل اللعبة وامشي انقذ صديقك
-------
كان عندك بوست جميل عن الحملة المتعلقة بي دائرة سليمان حامد يابدر
البوست ده اشتغلت فيهو افضل من عضوية بعض الاحزاب والله
نبهتا الناس من بدري لتدارك بقية الحملات واديتنا موجهات فظيعة ياخ
انت كوز مفيد جدا لينا
جيتو غلطو تاني ياباشا بي بوست نقد ده وبوستك ده ثالثة الاثافي ياحبيب
عاين عشان ماتتعب معاي شديد في مسائل التصنيف والبصبصة عايزة اقول ليك حاجة بسيطة عشان تعرفو فداحة الراجيكم في السودان
عارف نقد العايزين تلبسوهو دعوى بتاعت حسبة ده؟؟؟
نقد القلتو مابيصلي ده وجاهر بي معصية ولا ايه ماعارف
نقد ده نحن خاليناهو ورا ضهرنا بي غادي
نقد في راينا يميني وبيناور في الصلاة وغيرها
اها نحن من الآخر كده لابنصلي ولاعايزين ...لابنصوم ولا عايزين
لابنزكي ولاعايزين....عايزين بس نحكم السودان او بمعنى اوضح ماتحكموهو انتو ماعايزنكم تجونا طايرين بي ديمقراطية مفصلة عليكم
نحن ماعايزين نترشح لي رئاسة مجلس شورى مجاهدين ولاغيرو كحزب او احزاب وطنية
نحن ماعايزين نترشح لاختيار الخليفة ظل الله في الارض ولاعايزين ننتخب امير مؤمنين
نحن والحركة الكاااافرة دي والحزب الشيوعي الكاااافر ومرتد ده ومعانا مبارك الفاضل القال ليكم مافي اصلا دولة دينية في الاسلام ومعاهو الصادق المهدي القال عايز دولة مدنية نحن ديل كلللللنا عايزين مرشحين بس لحكم السودان المتعدد ده عايزين نترشح لرئاسة السودان
وخليك واعي السودان العملتو ليهو اتفاقية سلام وهادنتو الكفار الفيهو مابيحق ليكم بموجب الاتفاقية دي او غيرها تشترطو يجيهو حاكم مسلم
موش انت يامسلم ياناصح اتفقتا مع الحركة وتنازلتا عن تطبيق الشريعة في الجنوب؟؟؟
موش انت موقف الحدود من التطبيق؟؟؟؟ موش انت عضو في هيئة الامم المتحدة الكافرة؟؟؟
موش انت متناقض مع اسلامك زاتو؟؟؟؟
ورينا كيف ح تطبق الحدود في ظروف السودان الحالية وحتى لو انفصل الجنوب؟؟؟؟
في نص برنامجك يابدر ورينا موقع الدولة الدينية اللي امرك بيها الله وح تعملها متين؟
ورينا مآل الحدود والشريعة ولمن تجو ح تطبقو شريعة؟؟؟ح تقدرو؟؟؟؟
منتظراك ياخ انا
والله يجازي اللي جابك انت وعمر صديق وبقية رهطكم
عارف يابدر حاجة؟؟؟
مابحب البيستهين بي قدرات عقلي وانا مابستهين ليك بي قدراتك نهائي
عقلي ده الحاجة الوحيدة المابلعب بيها
بطل تلعب دور الطيب
ياتوريني الحكومة قتلت شهداء رمضان ولا لأ؟؟؟ مسئولة؟؟؟
تريني محقة في قتل العشرة الف اللي اعترف بيهم رئيسك في دارفور ولا لأ؟؟؟
توريني علي فضل قتلو النظام ده ولا قتلو الخليفة الفاطمي او التتار
توريني الناس اللي اتعذبت في السجون واتقطعت اوصالها المسئول من كده مين؟؟؟
ماتعمل فيها حقاني وتتمسكن وتقول كاتل الروح وين بيروح
كاتل الروح دي بتعني انك معترف انه كتلهم نظام الانقاذ وانت ماممتلك جرأة تقول الحق وتاخد موقف بسألك منو الله يوم القيامة
اثبت ياكوز وقول كلمة امام ضميرك وامام ربك
دي مسئوليات منو؟؟؟؟ بكلمة
انا بسألك امام الله تقول كلمة الحق يللا
ولمن تقولها اسأل نفسك طالما هم قتلة انت متبعهم لييييييييييييييييييه؟؟؟؟
طالما هم لصوص انت وراهم لييييييييييييييييييييييييييييييييييييه؟
طالما هم شردو الناس وشتتوهم انت وراهم لييييييييييييييييييييييييييه؟؟؟
صح الكلام
عشان لمن تتكوزن تعرف انت مكوزن ليه
موش تقول كاتل الروح وين بيروح
نحن بنعرف نوديهو وين انت بس اعترف ياباشا
انا ماعندي ليك اي وزين
عندي ليك اسئلة تجاوب عليها وتمشي بيتكم اقصد يعني تمشي تشوف ليك شغلة تانية
الدين مابيحتمل يكون خاتف لونين يابدر
يااسود ياابيض
رمادي بح
وانت عارف ياباشا كده
-----
ده بياني الترحيبي بيك وبي صاحبك ولسه ماحكينا ياليبرالي انت
حاول تتأمل في كلام احمد طراوة وماتخليهو يعجبك ساي
احمد عميييييييييييق يابدر
صدقني
تحياتي ياشباب يااللي انا مطولة منكم
رأفت وعم فتحي وحبيب ألبي جيلي ومن لف لفهم
ليكم القومة والمحبة ومشتاقة ليكم جدا
|