Salamat Shawgi
لكن طبعاً انا ابعد زول عن المناصب دى . يعنى حسه اكون منجعص فى المكتب . يجو ناس صحبى خلف الله ابكرنك وكيكس العجلاتيه ... وين يا ابوا , فكيتونا بايظ ما شفتونا . او حسن ود مسار البنا يجى طاير يقول لى ... والله لمن سمعته بالخبر المدماك ما تميتو . وجريت العرموص وقبل ما اخت الطوبه ده دربى عليك .
هم ديل براهم العجب لو جوك اهلك الرباطاب اذا ساعدتهم اتهمت بالفساد والقبلية وان رفضت شنفوك وشالوا حسك
صلاح كرار بعد انقلاب الانقاذ الحاجة الوحيدة العملها لاهله انه كش جماعته من الخرطوم للاحتفال بالاستقلال فى ابوحمد اها لمن الرباطاب ما شافوا منو فايده سموهو صلاح سجنال اصلو كان ضابط بحرية سحروهو لمن جابو خبرو طبعا ناس خالك ابتر فى كادوقلى ما عندى فيهم سؤ ظن اكرمونى انا وجميع المدرسين من كجا عام 61 ولده مبارك ان لم تختلط على الاسماء كان يمون المدرسة بالغذاء ما تلوم فينا لا زلت اذكر عربته الجيب وهى تتلوى بين تلك الجبال
اخوك حسن فرح
|