_ وناجي ؟!
هكذا سألتها وصدري يضيق شيئا فشيئا حتي شعرت أنني لا أقوى على التنفس
_ أبوي كان بدقو كتير ... وطردو كم مرة من البيت .. .كان دايرو يشتغل وهو كان
داير يقرا ...وبعد اتوفت امي غاب من البيت شهور ورجع بحالتو دي .. أبوي رفض يوديه
الدكتور خاف الناس تتكلم فينا وتقول ود عبود جنَ
صمتت قليلا تراقب طفلها الذي نام اخيرا ثم تابعت بمرارة
_ماسألتي كيف ماتت امي ...
لم اقل شيئا
_حصلت شكلة كبيرة بينها وبين ابوي والسبب كان موضوع ناجي مابعرف حصل بيناتهم شنو
ولا قالو شنو .. لكن بعد مرق ابوي من البيت طوالي كبت جاز في روحها و.....
_لاحول ولا قوة الا بالله
لم استطع حبس دموعي فتركت لها العنان ..
خيم الصمت لوقت طويل قاطعته هي قائلة
_امي كانت عايزة ناجي يقرا لكن للاسف مافي زول فينا قدر تم قرايتو .. تتذكري ...؟؟؟!!
كان داير يبقى مهندس.. متذكرة كان شاطر كيف في الحساب ؟
|