[فتحي مسعد حنفي]

[QUOTE=عبدالله وداعه الامين;239176][color=#4B0082]انت تامر يا خواجة

اغنية من سنة 1968[/color
و تسجيل جديد - 1989


الله يفتح عليك دنيا وآخرة ياعبدالله..الساعة 5 صباحا وأنا قاعد أسمع في التسجيلين النزلتهم ديل وبتذكر لما الأغنية دي اتغنت لأول مرة ووقتها انا كنت في تشيكوسلوفاكيا لي تلاتة سنين ومتذكر السنة كويس عشان جيوش حلف وارسو احتلت تشيكوسلوفاكيا في 21\8\1968 وقضينا أيام رعب ما بتتنسي..
تعرف وقتها الأغاني كنا بنسمعا من الاسطوانات أو من المحطة الأمريكية الكانت بتبث من برلين الغربية..الزمن داك كان فعلا العصر الذهبي لكل شيئ فن,رياضة,سينما وسياسة الناس العاشوا الستينات واعيين ديل الناس المحظوظين الشافو وعاشو كل شي جميل في الدنيا والحمدلله أنا كنت منهم وكمان كنت عايش في أوروبا وعاصرت زمن ملوك البلوز وملوك السول ولسون بيكيت وأوتيس ريدنج وسام كوك أبو السول وجيمس براون والجاكسون فايف وأبا والتمتيشانز..
أغاني توم جونز أنا كنت تقريبا حافظ كل كلماتا ورغم طول المدة الأبيات الكتبتها هنا دي كانت من الذاكرة عشان كدا فيها اختلاف بسيط..وتوم جونز اشتهر بي دلايلا وto live for today and to love for tomorrow is the wisdom of a fool because tomorrow is promissed to no one
ومن أغرب الأغاني كانت أغنية ِةثى الغناها سام كوك وبعدو غناها أوتيس ريدنج والاتنين ماتو بعد ما غنوها..والغرابة في كلماتها البتقول.. this little life of mine am gonna let shine والاتنين اتنشلو سام كوك مات بي ستة رصاصات أطلقتا عليهو بت بيضاء مهووسة بيهو لما شافتو في فتدق مع بت تانية مع انو البت الكتلتو ما بعرفا ولا عندو بيها أي علاقة..وأوتيس ريدنج وقعت بيهو طيارة..
ومن أجما الأغاني أغنية Jamaica forwell الغناها سام كوك و بعدو هاري بالافونتي..
بعدين ما تنسي الريجي ..بوب مارلي وجيمي كليف..
يازول رجعتني مية سنة لي ورا وخليتني أتحسر علي روحي..