[wadosman]

المشاركة الأصلية كتبت بواسطة زول الله

ودعثمان ياابدااااااااااااااع لامنتهي
اول مرة اسمعها بصوت العملاق وردي وكمان كاااملة
يمكن زوقي غريب شوية في حتة الالحان دي .. لكن رأيي انو اللحن دا مكتمل
ومامحتاج سمكرة نهائي وبيشبه الكلمات جداً وممتليء بالاحساس الفيها لمن مدفق
واللحن بعد السمكرة جميل لكن ياريت لو عثمان مصطفى غناها بالأصلي دا
وأساساً الاغنية -رأي خاص - مابتشبه صوت عثمان مصطفى الكورالي الجهور
شوف جمالها بي صوت وردي .. ياخ حاجة تعقد زاتو

رحم الله القامة اسماعيل حسن بقدرما لونت كلماته ايامنا وامسياتنا ووجدانياتنا













اقول قولي هذا واستغفر الله لي ............

الزول الجميل..

سلااام و تحاايا

وردى و امكانيات صوتيه و لحنيه رهيبه مافى شك و قدره رهيبه
على رسم الكلمات و اعطاءها احساسها الداخلى...

ما قصدته من سمكره هنا هو ان الاغنيه كانت ولا بد من ان ياتى لحنها
بصوره تناسب صوت عثمان مصطفى و الذى يختلف تماما من صوت وردى
حتى ان البيت الذى يبدا لــ حصل ايه مننا تم حذفه من كلمات الاغنيه و هذا
واضح فى التسجيل الخاص بالفنان عثمان مصطفى..

عبد الله عربى حكى عن هذه الاغنيه بالتفصيل و كيف انهم ان اقنعوا وردى
ليتنازل عن هذه الاغنيه للفنان عثمان مصطفى وقتها و هو فنان ناشئ و كان يحتاج
الى عمل جاهز يدخل به الى ابواب الاذاعه وقتها حيث كان الدخول قى ذلك
الزمن لبس بالامر الهين و الساحه تعج بفنانين عماالقه لهم وزنهم الكبير...

تسلم يا حبيب و ساقوم بنقل مداخله زميل البورد الاستاذ احمد والتى كتبها فى الحوش
المجاور حول هذه الاغنيه فهى تحوى الكثير المفيد عن تااريخ هذه الاغنيه..

كل الود...