سودانيات .. تواصل ومحبة - عرض مشاركة واحدة - الحزب الشيوعي السوداني : بؤس الايدولوجيا !!

فتحي مسعد حنفي · 22-06-2010, 01:04 PM

ياخالد اختيارك للزميلة فاطمة أحمد ابراهيم ليس صحيحا 100% فهي قد أكلت القرض ولقتو في جلدا مؤخرا..ألا رحم الله صلاح أحمد ابراهيم..
أخونا معاوية لسة ما داير يركز علي حاجة معينة والواحد ما فاهم هل قاصد يهاجم الماركسية ولا الأحزاب الشيوعية ولا شنو بالضبط..مع انو الموضوع ما بالصعوبة دي فأنا مثلا عشت في السودان ورأيت شيوعيين بلا شيوعية ثم ذهبت الي دولة شيوعية فرأيت حزب شيوعي بلا شيوعيين فتذكرت محمد عبدو..
انت مثلا ياخالد لا أعتقد انك في يوم من الأيان انتقدت النظرية الماركسية وانت عضو في الحزب مع انك كنت شايف النواقص وكمان كنت واحد من الناس البمارسو تنفيذ اللوائح رغم علمك بالعيوب الفيها وما جهرت بالعيوب الا بعد ما بقيت برة الحزب..
الأحزاب الشيوعية زيها وزي باقي الأحزاب فيها المخلصين وفيها الانتهازيين وفيها الفاسدين وان كانوا قلة والعيب في البشر مش في النظرية والنظرية نفسها أنا شايفها غير صالحة للتطبيق كما تخيلها كارل ماركس عشان احنا بشر والبشر طموحين بطبعهم والنظرية عشان نطبقا زي ما اتمناها ماركس لازم في الأول نغير طبيعة البشر الاتخلقو بيها ودا مستحيل عشان كدا لازم تدخل تعديلات كتيرة فيها عشان تتناسب مع المكان والزمان وطبيعة البشر وتركيبة المجتمع فالسودان مثلا ليس روسيا ولا روسيا زي الصين ولا كوبا حتبقي زي الصين..
الزول الوحيد العرف الحقيقة دي كان تيتو في يوغسلافيا الأخد من الماركسية الحاجات البتناسب بلدو وكسر الستار الحديدي في الوقت الكانت فيهو باقي الدول الاشتراكية بتعيش في القرون الوسطي ومسيطرة عليهم فوبيا الرأسمالية..
نرجع تاني ياخالد وأقول ليك انت ما كوز ولا حتقدر في يوم من الأيام تبقي كوز والا تكون من زمان بتضحك علي روحك وعلينا ودا شي مستبعد وخلافك مع أفراد في الحزب موش خلاف مع الماركسية الاستوطنت جواك..

22-06-2010, 01:04 PM	#[25]
فتحي مسعد حنفي :: كــاتب نشــط::	ياخالد اختيارك للزميلة فاطمة أحمد ابراهيم ليس صحيحا 100% فهي قد أكلت القرض ولقتو في جلدا مؤخرا..ألا رحم الله صلاح أحمد ابراهيم.. أخونا معاوية لسة ما داير يركز علي حاجة معينة والواحد ما فاهم هل قاصد يهاجم الماركسية ولا الأحزاب الشيوعية ولا شنو بالضبط..مع انو الموضوع ما بالصعوبة دي فأنا مثلا عشت في السودان ورأيت شيوعيين بلا شيوعية ثم ذهبت الي دولة شيوعية فرأيت حزب شيوعي بلا شيوعيين فتذكرت محمد عبدو.. انت مثلا ياخالد لا أعتقد انك في يوم من الأيان انتقدت النظرية الماركسية وانت عضو في الحزب مع انك كنت شايف النواقص وكمان كنت واحد من الناس البمارسو تنفيذ اللوائح رغم علمك بالعيوب الفيها وما جهرت بالعيوب الا بعد ما بقيت برة الحزب.. الأحزاب الشيوعية زيها وزي باقي الأحزاب فيها المخلصين وفيها الانتهازيين وفيها الفاسدين وان كانوا قلة والعيب في البشر مش في النظرية والنظرية نفسها أنا شايفها غير صالحة للتطبيق كما تخيلها كارل ماركس عشان احنا بشر والبشر طموحين بطبعهم والنظرية عشان نطبقا زي ما اتمناها ماركس لازم في الأول نغير طبيعة البشر الاتخلقو بيها ودا مستحيل عشان كدا لازم تدخل تعديلات كتيرة فيها عشان تتناسب مع المكان والزمان وطبيعة البشر وتركيبة المجتمع فالسودان مثلا ليس روسيا ولا روسيا زي الصين ولا كوبا حتبقي زي الصين.. الزول الوحيد العرف الحقيقة دي كان تيتو في يوغسلافيا الأخد من الماركسية الحاجات البتناسب بلدو وكسر الستار الحديدي في الوقت الكانت فيهو باقي الدول الاشتراكية بتعيش في القرون الوسطي ومسيطرة عليهم فوبيا الرأسمالية.. نرجع تاني ياخالد وأقول ليك انت ما كوز ولا حتقدر في يوم من الأيام تبقي كوز والا تكون من زمان بتضحك علي روحك وعلينا ودا شي مستبعد وخلافك مع أفراد في الحزب موش خلاف مع الماركسية الاستوطنت جواك..
فتحي مسعد حنفي :: كــاتب نشــط::	التوقيع: شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..