[فتحي مسعد حنفي]

المشاركة الأصلية كتبت بواسطة خالد الصائغ

ما داير أقول كلام كتير لأنو الواحد ما عارف زاتو يقول شنو

و من غير ما أعمم أو أخصص

لكن حقيقي يخوانا بعض الحاصل في المنتدي بقة شئ غريب و فاقع للمرارة

بقة الواحد من ما يخت يدو علي الماوس و هو ماشي علي قوقل عشان يخش سودانيات طوالي بتوقع يا حتكون في شكلة مدورة يا في مشروع أو دراسة جدوي لي شكلة جديدة في المنتدي

و ده واقع بشكل ضغط متواصل و عبء متزايد علي أخوانا في الإدارة

كان الله في عونهم

زي ما بيشكل حالة من الشعور الغير مريح علي الإطلاق لي كل الأعضاء


الحاصل شنو يخوانا

ليه ما قادرين نتعايش مع بعض و لو إسفيريا حتي و إن إختلفنا


يعني لو كان المنتدي ده صالون ثقافي بتلاقو فيهو الناس ما عارف كان حيصل شنو

إلا كل واحد يجي بي عكازو و سكينو زي حفلات اللعبة بتاعت زمان


ياخ الإختلاف سنة من سنن الله في خلقو

لكن الإختلاف ما مدعاة لي الشئ الحاصل ده و لا مبرر ليهو


رجاءا

أعيدوا إلي سودانيات سيرتها الأولي


سودانيات عالم من التواصل و المحبة


سودانيات ساحة للتواصل و التثاقف الإنساني المثمر

أها هسة ياخ انت داير شنو..
حياة الانسان ياولدي بتبدا بي طفولة ثم شيطنة طفولة وبعدين مراهقة تليها صبينة ثم كهولة وبعدها باي باي..
سودانيات هسة في مرحلة مراهقة خللي الناس تستمتع بيها ياخ..