[فتحي مسعد حنفي]

المشاركة الأصلية كتبت بواسطة بابكر عباس

محسن خالد كيفنك؟
سعيد جدا إنك تكون معانا بجاي.
من أول مرة قريت ليك كلامك البتشرح فيهو النضوج الإيجابي، و بقيت محل ما أشوف إسمك دا طائر في الفضاء دا، أسكو.
حاليا متابع معاك خيانة الأصفر و الأحمر و مترقب الأزرق.

يا أخي الأكشن دا ما عجبني و بشبه الشغل المدرسي.
يعني الأنصار ديل جايين من الأبيض كداري و معسكرين ليهم أيام و ليالي حول الخرطوم، بكونوا في الطريق أكلوا الكدايس و الحمير، يقوم المخرج الداقس دا يجيبن لينا لابسين يوني فورم ناصع البياض وحتى الرقع متساوية و موزعة بشكل هندسي، و كمان عمم!
المراكب نفسها متوشحة بالبياض!

تعرف يابابكر الفلم دا اتعمل لتمجيد غردون واظهار همجية جيش المهدي كما يرون هم.
وطبعا حكاية الملابس والحاجات التانية الانت ذكرتها ما شغالين بيها كتير..
شوف انت انتقدت بياض أشرعة المراكب وفات عليك انو دي ما مراكب سودانية.. حسب الشكل دي مراكب مصرية من شكل الأشرعة..
الحاجة البتزعل تمام هي اظهار الأنصار زي الهنود الحمر ودي ما حقيقة عشان جيش المهدي أثبت في كذا معركة انهم كان عندهم استراتيجية حربية عالية جدا مفروض يدرسوها في الكليات الحربية..زي معركة شيكان الأبادو فيها جيش هيكس باشا..