اقتباس:
المشاركة الأصلية كتبت بواسطة بابكر عباس
القرآنيون: أقصد بهم الذين يعتقدون بأن القرآن الكريم هو المصدر الوحيد للتشريع...
لي تجربة نقاش طويلة مع أحد هؤلاء الناس و هو:
خالي الأستاذ علي محمد الحسن
|
بابكر عباس ... خليني اسجل اعجاب بي موضوعك وبي حوارك الرزين... القرآنيون عندي معاهم تجربه مبكرة مليانة حاجات ماكويسة ونبذ لميلي للصوفية وحبي الخالص لرسول الله صلي الله وسلم .... طبعا البعرفو انو القياس من مصادر الحكم والافتاء عرفت انو الجماعة ديل بيقولو عنو هرطقات علماء وانو لاوجود للقياس اما الرسول الحبيب صلي الله عليه وسلم فهو من وجهة نظرهم ناقل للوحي فقط ومايؤخذ عنه فقط الاحاديث القدسية وبعض احاديثه الصحيحة وماتجاوزها كلام ساكت وعلي قول صاحبي دا ونسة ساكت ... اما الاحكام من القرآن فقط ... الغريب انا كنت فاكراهم زي انصار السنة وتحديدا الوهابية بس علي العكس هم مامتشددين زيهم ... ولو انو الوهابية برضو عندهم رأي في كتير من احاديث الرسول وقياس العلماء وبحسو انو كول ماقرطوها علي الناس يكون احسن... وصححني ان كنت غلطانة فمعلوماتي مأخوذة من شخص واحد وقليل جدا من الكتب ...