[عالم عباس]

[color=#0000FF]بسم الله
يا ود الطاهر المعتصم

لما تحِس بأنك براااك


ما شايف حاجة قدامك ولا وراك

والدنيا تبقى طشاش طشاش

كورِك لى

اوديك دكتور العيون

[mark=#FFFF00]لما يحصل كدة يا معتصم،
أكورك ليك
يا تملا لي كاسي
يا توصلني السرير![/mark]
(2)

العريس بركبوهو الحصان

عشان تحصل حاجة من اتنين

يا يشرد .. يفِك البيرق ..

أو يقع يكسر رقبتو

[mark=#99FF33]العريس يركبوه الحصان
1- عشان يعرف أن الحصان لما يسبق، الشكر لحماد
2- وإن اللجام و السرج قد صار حتماً مقضياً[/mark]
(3)

تمتمت بأمنيتها و رمت البياض ..

شافها عمات كدة ..

ام حاكو حاكو ..

حاول يعمل زيها ..

تمتم بأمنيته وانحنى ليرمى البياض على البئر

لكنه انزلق و وقع وغرق

صرخت مندهشة

" معقول ...
بالسرعة دى
انا فقيرة عديل كدة .."

[mark=#993399]ومن اليو داك، قررت:
أن الواحد، لما يتمنى في سرو،
لازم يتأكد من نصوص أمنيته كويس، ويضبطها تمام ويكربها مظبوط، عشان يمكن...! ..مين عارف![/mark]
(4)

فى علاقات كدا زى السيجارة

تبدأ بى ولعة

ويستمر الحريق
والحريق شوية كدا يتحول دخان
وتنتهى كرماد
فى ناس مدخنين حرفاء
بستعملوا نوع واحد من السيجاير
وناس مدمنين كل مرة بدخنوا سيجارة

فى ناس سيجارتم ما بتنطفى .. أبدا ..

[mark=#99FF00]فى علاقات كدا زى السيجارة (الخضراء)

تبدأ بى لفة !
وتنتهي بي ولعة
وتستمر السجارة تدخن في الزول
والزول يتحول إلى دخان أبيض، ورمادي، وملون،ويصير دواير، ومربعات، وسحاب، وحاجات تانية حامياني، و...عييييك!
وفي سجاير حريفة
وتدخن نوع معين من الناس!
وفي سجاير، في كل مرة تدخن زول،
وفي سجاير،
ناسها ما بتنطفي أبداً
وفي سجاير، بس بابور!![/mark]

(5)

قا لت ليه

" الحب زى المخدة

[mark=#0099FF]الدرس دة محول (إلى الدروس الخصوصية في" البوست بتاع مقررات سنة أولى حب)[/mark]
(6)

قال "
خلطنا الموية بالعرقى .. سكرنا
خلطنا الموية بالدبوبة .. شعشعنا
خلطنا الموية بالويسكى .. رقدنا طينة

شنو يعنى
مانشرب موية ؟؟؟

[mark=#FFCC66]إنت خلطت الحاجات دي، وسكرت وشعشعت ورقدت طينة!
الغريبة أنا خلطت ديل كلهم، ورميتهم في الزبالة، وما حصل لي أيتها حاجة!
يا معتصم، إنت قلت خلطتهم بس حصل ليك كدة
يعني لو كنت شربتهم كان حصل ليك شنو؟
وبعدين ليه إنت خالط الموية بالحاجات دي
إنت مفروض تخلط الحاجات دي بالموية!

يعني ما نشرب الحاجات دي ولا شنو يعني؟[/mark]!![/color]