أســـد الله البضـــرع (عم رسول الله )
[align=center][frame="7 80"]أســـد الله البضـــرع
الإيقــاع دقـلاشـي
أســـد الله البضـْـــــرعْ يَنْهـــــر فـي المَجْمَــعْ
كَمْ عُـوقاً فـِسـرَعْ مِنْ شُــوفتـُـو اتْفـرْزع ْ
سمْ يا لســـــانـي بــــاسم لله واشــــــــرع
نـــــــزِِهْ لــِذاتــُــو اليــــَـرَانـا ويـســمع
مــــولانـا الخــــالق بـي قــدرتـــو يصـنع
ســــبحـان الباري الْيضُــــرْ وينـفـــــــعْ
المُغـــــني الباســــطْ يـُعطــي ويـَمـنــــــــع
الحـــاكم القــــاهــرْ يـــــــذل ويــرْفــــع
جلّا المُفـــــرِج لي ضِيـقنا فـسْرع
يقـْبــــــلْ لي عبــــدُو اليتــــوب ويرجــــــع
راحمــــنا بالنيــــــل ومطــــــرنا تـرشــــع
بـــلـل يبــــاســـــــنا نسُــــوق ونـــــــزرع
ثَنّيتَ بى طَه شَفِيعَ المجمَع
يومَ الخلايقْ تبْكي وتِتوَجَّع
شاخْصِينْ عَرَايا و الحرّ يصْقعْ
الناّرْ لِسَاناَ يُوقدْ مولّع
العَقلُو طايش والبالُ أنّزعْزع
و القلبُو راجِفْ و العينُ تدفع
لِلرُسلِي جينا نشْكي ونِتوقع
يخبرنا عيسي بصاحب الموْضع
قال ذاك نبِيكُن ما غيرُو ملجعْ
الكُبري هِيلُو و الرسيه هسّعْ
جيناهو جُمْلة سِيدْنا المبْرقعْ
النُورُو يضوِى فوق وجهُو يشلعْ
مِن يحنو ساجد لي ربُو يْركع
قال الإله لي راسك أرفع
قوم يا مُحمّد شفّع وأشْفع
ليك النبوة و الرُسلي تُبّع
تارتْ شفاعتو و الجاه اتوسّع
حتّى المُخالِف في دُخُولا يطمع
في ظل لواهُو الإسلام يتمتع
و الكُفرّي جيشن في النار موزع
صاحب المعاجِزْ الْمنْ قامْ بيرْضَع
قالت حليمة بىِ حقُّو يقنع
رحمني ربي بالنورو يسطع
جبر حمارنا الكان يضلع
أصبح يبيسنا خضّرْ و مشَّعْ
تقً بى وضيبُو جرْجَرْ وبقع
نبينا مسيسو للضُّري ينْفع
فاض الزُّلالِى من كفُّو ينْبع
جبريل يجيهو من ربو كُل ساع
جابْلو البشاير لى قدْرُو يَرْفع
هذا الأمينُ العاقْلَ المطبّع
بُوريك خصايصو سيد فِِِِِِِِِِِِِهري واشجع
يخْصِفْ نعالو ولِى ثُوبُو بَرْقِع
أسد الله البِضرعْ شدْ البسْ وادْرع
برّزْ للمصْرعْ يحمِل مابْيرْجعْ
فى العُوق حِينْ يرْتع
بى سِيفُو بيقطع
لى خيولن يقرع لى روسُنْ يجدعْ
ختّاهن في القع ولى دماهن تذرع
الصقر الاصلع فى كبودن بشبعْ
ياخوي شِن تسمع علي بيهن بدع
كسرصنامُن لى دِيارُنْ طيّع جنزرْ مُلُوكُن سامُنْ وبيّع
أسمع ياخُوي كلام اب عاشه
بكر الإسلام الخاتي القماشه
تاج الخلافة اللى الأمي شاشا
تابع نبيهُو لي قولو فاشا
حين شدّ قارحُو هزفوقو هاشا
كبر بى سيفُو الله ما شاء
نزّلْ مُلُوكاً مِنْ فُوٌقْ فُراشا
سبعون ألفاً يُومَتْ عَطَاشا
بى جاهُو فازوا مِنْ غِيرْ فتاشا
أسمع ياخُويا الفاروق كلامُو
ثاني الخلافة الوافر مقامو
ابن الخطابُ البين إكرَامُو
تابع نبيهو وقوا لواسلامو
حين شدّ قارحو وكرب حازمو
لاح فوقو شايل رمحُو وحِسامُو
يضرِب بى سِيفُو الكُفاّرْ طعَامُو
كُلو اليجيهُو يهشم عِظامُو
عُمرَ الضِرغِامُ فارْسَ اللِّطامُو
فتح مداين الروم و الشام
كم جاب عزيزاً بى حيلتُو سامُو
أسمع ياخُويا عُثمانْ نسيبُو
ثالْث الخلافة أب أمراً عَجِيبُو
ذا النُورين اليعجب حبيبُو
تابع نبيهُو كان مُقْتدِيبُو
لا زال بيهُو خاطرُو بيطيبُو
مِن بليتُو جهّزْ عوق السّبِيبُو
حين شدّ قارْحُوا ويسحب قضِيبو
كُلّ المخاِلف يقبض يجيبُو
حبر الكتاب الفي الدين رقيبو
حُكم المجيبُو جاهو ورضيبو
جيب يالساني قول ابن طالب
رابع الخلافى الكان أمروغالب
تابع نبيهُو دايماً مراقِب
بالنسبه ليهُو ودّ عمْ أقارب
فارس المشارق وفارس المغارب
حين شدّ قارحُو فى إيدُو ضارب
علي شال محارب لي خودتوكارب
ٌكم جاب عزيزاً بي حيلتو سارب
قتلو عقابُو خلاهُو خارِبْ
إتصنطو قولي يامسلمينا بردف كلامُو الكرار علينا
باب المدينة اليعجب نبينا
أبي الحُسِيناَ فارس حُنينا
أسد الكمينه الكر فى اليمِينا
شايل السنينالي الروس يهينا
الكيفرين دقق طحينا
كم جاب لعيناً مقبوض رهينا
الروم تَهاَهَا وطشّش جَنينا
دمر بناهم طول السنينا
جيب يالساني لي أهل الفاتحه
أنشا وأفشا بِى هذِى المدحهْ
قول لى بنينا واصحابُو الفُلحه
السته اسيادي البيعُن صّحه
لي ارواحن سامو قاصدين الصلحه
ناس الزبيري وناس سيدي طلحه
سعد وسعيدُو البيهُن فرحه
ناس باعُبيده الولده الناجحه
سيدي ابن عُوف الوافر ماشح
يات من يجيك ينشال بي صفحه
العوق يسوقا في حين كالمحه
ديل الكرام المافيهن جُنحه
المولي ليهُن بى نصرُو أوحي
للجنّة فازوا وختولنا السمحة
جيب يالساني في هذي الرجزه
قول للأسود ولد المعزّه
الهاشميّه فرسان البرزة
ناس العباسُو وناس سِيدى حمزه
دقت طبولُن ونِحاسُنُ رزَّ
ياتْ مِنْ يجيك فوق قارحُو هزّ
دفر حصانُو فى الريشه غزَّ
يضرب بى سيفه مايزيد الحزّه
روس البطارِقُ جَذوها جزِّ
باين ثناهُن وعدُوهن فزَّ
يانعمه اسيادِى الهانو البتمزِ
ياربي ليهن أرضى واجزى
جيب يالساني لا تنسا خالدْ
ابن الوليدُو اللّى الحرِب قايدْ
سِيفَ الله باينْ والسيدْ لي شاهدْ
يا نعمة الزاهد الْيرضِى الواحدْ
آمن بِى طه ونال الفوايدْ
بى مكة قام أب شمعُونْ يطارد
سبعون سيّد قتلُو وجا عِايد
حين أمرُوه طلعن جدايدْ
ركب اب سِليمان فارس الشدايد
سدَّسْ لِى رَايُو وفَتَح امّ حدَايِد
الكُفِرى جاتو من الصعايد
راكبة الفوايل وشايلة الحمايد
البطلوس و عساكرُ ومالُنْ عدايد
قتلو وكادُوا الكلب اب قلايد
جيب يا لساني فوق المسندى
لي أصحاب الدين المكرُوب أوندي
قول لي درار و المقداد و الكِذْى
ياث من يجيك فارسا شبندي
راكبين عواتي وشايلين الهندي
شاع دِِ يّنن عمّ للصِّينْ والسندى
تابْعين الأمي المابقُولو فندى
شفيع الأمة يومت مزندى
يا نفسي بيهُم الله احَمْدِى
يا قلبي أطرب يا روحي أمدى
يا كبدي حتى يا عيني أرمدى
ماشفتى الغانى عن ملاك شندى
ادُوهُو حظو باريهُو جندي
فوق جاهُو نومي لا تخافي اجمدى
قال من مدحني جزاهُو عندي
بحق اسمك يا ربي عظم
لي أحمد نبينا صلي وسلم
عدد النهار و الليل ما يظلم بى عد لسانَ الحالْ ما يكلّم
وعدد الخلايق كافر ومسلم
وعدد النبات الكمون و السمسم
ما ربّا شيخاً جالس يعلم
ما قام خطيباً يقرأ وترجم
وما طاف حجيجاً بى مكة محرم
وما شال جماراً عدّاها يرجم
علم الكهانة حتى البنجم
وما ناح حماماً في بروجو يرزم
راويها عبداً بى ذُنوبو مجرم
الماحي بيها لي سيدُو يخدِمْ [/frame][/align]
|