[align=center]
وآ أسفاي
اسماعيل حسن
وا أسفاي وحاتكم انتو
وا أسفاي
إرادة المولى
رادتني وبقيت غناي
أسوي شنو مع المقدور
أسوي شنو؟
براهو الواهب العطاي
منو البدور يساهر الليل
ويسافرفوق جناح الشوق
يكوس نجماً بعيد ضواي
منو إذا وصفولو
أرض الحور
تلاقي قوافلو طول الليل
تشق التيه تجر النم
مع الحردلو في الدوباي
وا أسفاي ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة يا دنياي
بتمدد وبتوسد وسادة شوق
وبنوم مرتاح و خالي البال
واقالب تاني عهد صباي
عشان ما تبكي ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتامِير ليل
ومتوكل عليك يا الله
دافر الليل
بِريق البسمة إن لاح لي
بتتفتح مشاتل الريد
واحس بالجوا جوا الجوا
زغرد فيها صوت الناي
أسفاي إذا ماشفت
ناس سمحين يتاتو
يتاتو يتاتو زي قدلة
جنا الوزين يتاتو
تلاقي قليبي يرمح جاي
لما يتاتو يتاتو يتاتو
زي قدلة جنا الوزين يتاتو
حليل الكان بهدي الغير
صبر محتار يكوس هداي
من ناس ديلا وا أسفاي
من زي ديلا وا أسفاي[/align]
[align=center][rams]http://albrkal.com/khalid/asfai.sudanyat.org.wma[/rams][/align]
[align=center]أسفاي -- للحفظ[/align]