[الطيب موسى الطيب]

السلام عليكم يا حبايب بل انتم اكتر من قرايب من زمن شيل الحقايب وانتظار البريزة الكانت على النفس عزيزة والكل ينتظرها بفارق الصبر لكي ياكل الواحد اكلة حلوة ( فرخة ) ضمن المجموعة التي لا يكون نصيب الواحد منا ان جنح صدر وان تغفل جناح وحقو راح ويصبح عليهو الصباح خاصة لو كان ضمن ناس منير العوض وعثمان احمد طه وعبد المنعم عبد القادر بشير ويا شقاوة الفرخة ان حضرها حسين محمد سعيد ( جزاك الله خير ) ولا ننسى حيدر ابراهيم سعيد فيقول بعد الفرخة لبطنه هل إمتلات فتقول وهي تصوصو هل من مزيد .أو يكون امل الواحد ان يحظى بقميص جديد يقتطعه عنوة واقتدارا كي يقشر بيهو قدام الجماعة في اول لقاء ويعزز نفسو شوية ما ابوه مزارع وكادح ويقول لمن يسالو ابوك شغال شنو يقول اعمال حرة ما هي الشماعة التي تخفى وراها الحقيقة .اها يا اخواني بخليكم في انتظاري وتعرفوا ان اخوكم كان برلوم ساذج لمن جاء لمصر اول مرة عن طريق اسوان لولا لطف الله كان كتبتو الجرايد المصرية بالخط العريض طالب وافد سوداني يتاجر في المخدرات .