سارة سلامات ..
في رأيك هل العنف ضد المرأة نابع عن وعي أم مجرد تراكم موروث..؟؟
بمعني هل يقصد الرجل الإساءة الي المرأة عامدا أم مجرد
كلام يلقيه بغير انتباه بما يحتويه من اساءة..؟؟
ياخي لا أحد يجرؤ علي امتطاءك مالم تكن منحنيا..
عشان كدة المرأة ذاتها مساهمة بصورة كبيرة في الحكاية دي..
يعني بمجرد ورود مفردات جنسية او حتي ايحاءات بعيدة كانت ام قريبة بنلقي المرأة بتتضاير وتعلن ان هناك عنفا واقصاء مورسا عليها..؟؟
وبكرة تجي تلقاها تنادي بمساواتها مع الرجل واحقيتها
بأن لا يكون الرجل وصيا عليها..و..و..
طيف كيف الكلام ده..
ياسارة:
طالما المرأة عايشة في دور التواري خلف الاشياء والتحسس
المريع من الايحاءات التي تصدر من الرجل عن وعي او بغيره
وتصنيفها لإقصاء وعنف لفظي وغيرو..ستظل المرأة ممسوكة من يدها البتوجعها..
المرأة يجب ان تكون وصية علي نفسها بثقتها وعنفوانها وليس
انكسارها بمجرد ورود عبارات غرائزية او ايحاءات كل يفسرها
علي هواه.
ثم..
النساء ناقصات عقل ودين شايف في الاقتباس الجبتيهو مذكور
علي اساس انه اقوال شرقية..هو طبعا قيل انه حديث شريف
علي شرط البخاري ومسلم ولكنهما لم يخرجاه..أنا ماعارف مدي صحتو شنو..
بس حابي اقول انو في حتة ناقصات دين دايما بتتفسر علي ان المرأة بتفطر
في رمضان ومابتصلي اثناء الاعذار الشرعية..
طيب الحلل ليها الكلام دة منو..؟؟
موش الله رب العالمين..
طيب إذا كان الخالق اباح ليها الحاجة دي و يجي التشريع الديني يوصفا بنقصان الدين يبقي دة قمة التناقض..صاح..؟؟..
يعني ماممكن أستاذ يدي تلميذ اجازة شهر وفي النتيجة النهائية يخصم
منو نص الدرجات ويقول ليهو كنت غايب شهر..
ياسارة المرأة هي من بيدها إجبار الآخرين علي تقبلها كإنسان كامل الأهلية
يعني..بيدكُن لا بيد عمرو.
عجبتني مداخلة زكي ..كافية وبليغة.