[احمد عبد الرافع]

ياعباس أزيك
معليش أسمح لي أقول ليك كلامك دا مادخل راسي
أولاً استدلالك بالاية الكريمة من سورة يوسف دي بدي معنى مغاير لما ذكرت
"تزرعون سبع سنين دأبا "دي جات في تفسير النبي يوسف لرؤيا الملك صاح ؟
اللي هي "اني أري سبع بقرات سمان يأكلهن سبع عجاف "
فكان التفسير انو بتمر عليكم سبع سنوات رخية تزرعون فيها دأبا ، ثم يأتي بعد ذلك
سبع عجاف يأكلن ما قدمتم " الايات بتصرف"
فمعناها أنو لفظة سنة دي جات واصفة للحالتين الرخاء والشدة.
أما بخصوص الاستدلال الأول فالواضح أنو الغرض من اختلاف الألفاظ
جاء متسقاً وبلاغة القرآن الكريم الذي كما يقول المفسرون أن واحدة من علامات إعجازه
هو بلاغته اللغوية .
وبرضو مافي دليل على أنو الخمسين عام الأخيرة من حياة نوح كانت سعيدة بالنسبة ليهو ..
بالعكس حسب تسلسل قصة سيدنا نوح انها انتهت بالطوفان .
انا ما عندي فكرة انو دي كانت في آخر أيام النبي نوح ولا لا .. لكن حسب التسلسل للقصة دي كانت النهاية .
في سورة الكهف برضو في آية "ولبثوا في كهفهم ثلاثمائة سنين وازدادوا تسعاً"
هنا برضو ما بتقدر تقول أنو الفترة القضوها في الكهف دي كانت فترة شقاء بالنسبة لأصحاب
الكهف ..