واحد من حلتنا من كترت شواكيشه حتى احمد شمارات مرة نقصا اتنين من الرقم المعترف به عثمان صاحب الشواكيش نفسه وهو 34 شاكوش
الان اسمه الرسمي عثمان شاكوش لو ناديت عثمان بس مابتلفت
وهو رجل لطيف وشعاره ادق اي ما لامن نلقى حباب
مرة رسل اخوه الكبير وود اعمو قال امشو ناس فلان واطلبو فلانة وعاوزين الرد سريع اقل لكلكة متوقعة على طول ناس فلان اطلبو فلانة عليكن الله ما تجوني فاضيين .سألته ذات مساء ايام خطوبته لسع ما رسيت علي بر؟
قال لي والله انا افتش وابوي بفتش لكن ا زول بنلقى...
عثمان شواكيش الان مبسوط مع مرتو والوليدات.......
ايام العرس الجماعي في حلتنا كنت ضمن لجنة الاستقبال العرسان منتظرين في حوش ما والعروسات تقلهم الحافلات من نقاط التجمع الي حيث العرسان .زي مية عروس كدي كلهن لابسات تياب خدر فكوهن في الحوش يللا كل عريس يستلم عروسو ويطلعوا صفوف لمكان الاحتفال وحصلت اللخبطة عشرات العرسان يمسك يد عروس تتطلع ما عروسو طبعا الفترة بسيطة والعرس على عجل والعروس حصلت لها بعض التغيرات دا غير كلهن لابسات توب اخدرالمهم في العكة ديك شفت واحدة عروس نهرت عريس نهرة شديدة سالت واحد متوفر على طول في الحلة وعندو معلومات قال دي يااخوي مشوكشاهو
بعد فترة طويلة ومجابدات كلو عريس اتلم علي عروسو واحد من اولاد الحلة قال لي مافي عروس زايدة.
طارق الامير طبت
التعديل الأخير تم بواسطة عبدالمنعم الطيب حسن ; 22-10-2010 الساعة 08:30 PM.
|